काठमाडौं– सुशान्त सिंह राजपुतको अन्तिम फिल्म ‘दिल बेचारा’ दर्शकहरुले मन पराएका छन्। फिल्ममा जुन रुपमा सुशान्तले अभिनय गरेका छन्, यसले उनी पर्दामा नभई रियल लाइफमा छन् कि भन्ने देखिएको फ्यानहरुको टिप्पणी छ।
एक बिन्दास र मस्त युवाको रुपमा उनले सफल भूमिका निर्वाह गरेका छन्। एक गम्भीर रोगको शिकार भएकी युवतीलाई उनले दिएको माया र स्नेहले फिल्म हेर्नेलाई आँशु झार्न बाध्य पारेको दर्शकहरुको अनुभव छ।
फिल्मको कयौं दृष्यमा यस्तो लाग्छ, उनलाई यो फिल्म आफ्नो अन्तिम फिल्म हुने छ भन्ने आभाष थियो। फिल्मको अन्तिममा भएको मृत्युको सिनले पनि दर्शकको मन छुने समीक्षकहरुको भनाई छ। सामाजिक सञ्जालमा पनि मानिसहरुले सुशान्तको अन्तिम फिल्मको तारिफ गरेका छन्।
फिल्म समीक्षक क्रिटिक तरण आदर्शले फिल्मलाई चार स्टार दिएका छन्। केही मानिसले यो फिल्म हेरेर आँखामा आँशु नरोएिको प्रतिक्रिया दिएका छन्। ‘दिल बेचारा’ सुशान्तको अन्तिम फिल्म हो। उनी आफैं यसको प्रदर्शन देख्न पाएनन्। सुशान्तले आफ्नै निवासमा आत्महत्या गरेका थिए।
फिल्मको कहानी एक युवती र युवकबाट सुरु हुन्छ। युवायुवती गम्भीर रोगसँग सर्घष गरिरहेका हुन्छन्। जब दुवै जना आमनेसामने हुन्छन्, उनीहरुका बीचमा प्रेम सुरु हुन्छ। र यो फिल्मको कहानीको अन्त्य मृत्युसँगै हुन्छ।
फिल्म जुन रुपमा अन्त्य हुन्छ त्यसैगरी सुशान्तको पनि अन्त्य हुन्छ। फरक यत्ति हो कि त्यो मृत्यु फिल्ममा थियो। फिल्ममा उनको मृत्यु एक गम्भीर रोगले हुन्छ। वास्तविक जीवनमा उनी आत्महत्या गर्छन्। उनको आन्तिम फिल्मले फ्यानहरुलाई दुःखीत बनाउछ। फिल्ममा उनको अभियन र कला देख्दा उनी अझै जीवित भएकाे भए हुने र अन्य फिल्महरुमा पनि देख्न पाए हुन्थ्याे भन्ने लाग्दछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768388267.png)
-1768388032.png)
-1764146706.png)
-1768288990.png)
