काठमाडौं- युएईमा मा हुने तय भएको इन्डियन प्रिमियर लिग (इपिएल) टी ट्वान्टी क्रिकेट प्रतियोगिता असोज–कात्तिकको बीचमा हुने गरी मिति तोक्ने तयारी भइरहेको आइपिएल गभर्निङ काउन्सिलका अध्यक्ष ब्रिजेश पटेलले जनाएका छन्।
अन्तर्राष्ट्रिय क्रिकेट परिषद (आइसिसी)ले अक्टोवर–नोभेम्बरमा हुने तय रहेको टी ट्वान्टी विश्वकप स्थगित भएको जनाएसँगै व्यस्त क्रिकेट तालिकामा आइपिएलले आफ्नो समय पाएको हो। विश्वकप भने २०२१ या २०२२ मा हुने गरी नयाँ तालिका आउनेछ।
विश्वकप स्थगित हुँदाको सबैभन्दा बढी फाइदा आइपिएललाई नै भएको देखिन्छ। भारतीय क्रिकेट बोर्ड (बिसिसिआई)ले यो सिजनको आइपिएल युएईमा गर्ने गरी अनुमति लिएर काम अघि बढाएको छ। फाइनल खेल कात्तिक ८ या १० गते गर्ने गरी तयारी भइरहेको गभर्निङ काउन्सिलका अध्यक्ष पटेलले जनाएका छन्।
मंसिर १८ मा भारत र अस्ट्रेलियाबीच हुने टेस्टका लागि असर नपर्ने गरी मिति तोक्ने तयारी भएको हो। भारतीय खेलाडीहरु अस्ट्रेलियामा गएर क्वारेन्टाइनमा बस्न पुग्ने गरी समय बचाउनुपर्ने गरी आइपिएलले छिट्टै मिति तोक्नेछ।
पहिले गएको चैत १६ गतेदेखि गर्ने भनिएको प्रतियोगिता १८ दिन पछि सार्दै बैशाख ३ गतेका लागि नयाँ मिति तोकिएको थियो। तर कोरोना जोखिम बढ्दै जाँदा अर्को सूचना नभएसम्मका लागि स्थगित गर्ने निर्णय आएको थियो। विश्वकप स्थगितको सूचना पर्खेर बसिरहेको बिसिसिआइले विश्वकप स्थगित भएकाले अब आधिकारिक मिति तोक्नेछ।
तर अहिले विश्वकप स्थगितपछिको महत्वपूर्ण समय आइपिएलले लिँदा विभिन्न देशका सिरिज भने प्रभावित हुनेछन्। यसैले कतिपय क्रिकेट समर्थकले विश्वकप स्थगितको निर्णय पनि बिसिसिआईबाट प्रभावित भएर आएको आरोप लगाइरहेका छन्। गएको हप्ता लामो समय आइसिसी बोर्ड सदस्यको भिडियो बैठकमार्फत विश्वकप स्थगितको निर्णय आएको हो।
अहिले नयाँ तालिकामा भइरहेको तयारीमा भने ब्रोडकास्टर स्टार इन्डिया बेखुसी देखिएको छ। त्यही समयमा चाडबाडको बेला भएकाले क्रिकेट ब्रोडकास्टमा दर्शक कम हुने तर्क स्टार इन्डियाले गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791043321.png)
-1791041970.png)
-1786602170.png)
