काठमाडौं- नेपालमा कोरोना संक्रमितको संख्या १८ हजार २ सय ४१ पुगेको छ। पछिल्लो २४ घन्टामा मात्र १ सय ४७ जना संक्रमित भेटिएको स्वास्थ्य तथा जनसंख्या मन्त्रालयले जनाएको छ।
बिपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा धनुकटा र सुनसरीका २÷२, कोशी अस्पताल विराटनगरमा मोरङका ४ जनामा कोरोना पुष्टि भएको छ।
प्रादेशिक जनस्वास्थ्य प्रयोगशाला विराटनगरमा झापाका १ र मोरङका ४, गजेन्द्र नारायण सिंह अस्पताल राजविराजमा सिरहाका २ र सप्तरीका ७ जनामा कोरोना भेटिएको मन्त्रालयका प्रवक्ता डा जागेश्वर गौतमले बताए।
नारायणी अस्पताल वीरगञ्जमा पर्साका १७, राष्ट्रिय जनस्वास्थ्य प्रयोगशाला टेकुमा भक्तपुरका २, शुक्रराज ट्रपिकल तथा सरुवा रोग अस्पतालमा ललितपुरका १ र काठमाडौंका २ जनामा कोरोना पुष्टि भएको छ।
गत २४ घन्टामा गरिएको परीक्षणमा भरतपुर अस्पताल प्रयोगशाला चितवनमा महोत्तरीका १, पाटन अस्पताल ललितपुरमा काठमाडौंका ३, त्रिवि शिक्षण अस्पताल महाराजगञ्जमा पर्वतका १ जनामा कोरोना पाइएको छ।
स्टार अस्पताल सानेपामा ललितपुरमा १, पोखरा स्वास्थ्य विज्ञान प्रतिष्ठानमा कास्कीका १, प्रादेशिक क्षयरोग केन्द्र प्रयोगशाला पोखरामा कास्की र स्याङजाका १÷१ र पर्वतका २, प्रादेशिक जनस्वास्थ्य प्रयोगशाला रुपन्देहीमा रुपन्देहीका ११, प्युठानका १ र नवलपरासीका १ जनामा कोरोना भेटिएको छ।
यस्तै, लुम्बिनी प्रादेशिक अस्पताल बुटवलमा रुपन्देहीका २, सुर्खेत प्रादेशिक अस्पतालमा सुर्खेतका ५ र सल्यानका १, दैलेख प्रयोगशालामा दैलेखका २४ जनामा कोरोना पुष्टि भएको छ।
डडेल्धुरा अस्पताल प्रयोगशालामा डडेल्धुराका २ र डोटीका ७ र सेती प्रादेशिक अस्पतालमा कैलालीका १, बझाङका १ र कञ्चनपुरका ३० जनामा कोरोना भेटिएको मन्त्रालयले जनाएको छ।
कोरोनाको आशंकामा गत २४ घण्टामा ३ हजार ४ सय १ जनाको पिसिआर परीक्षण भएको छ। मुलुकभर हाल ५ हजार ३ सय ५८ जना अस्पतालको आईसोलेसनमा रहेको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768981471.jpg)
-1764146706.png)
