काठमाडौं- नेकपा अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल‘प्रचण्ड’बीच मंगलबार बालुवाटारमा भएको ‘वान टू वान’ संवाद सकिएको छ।
पार्टीमा विवाद बढ्दै गएपछि बैठक स्थगित गरी ओली प्रचण्डले अहिलेसम्म चार पटक वान टू वान संवाद गरिसकेका छन्। तर, बाहिर सार्वजनिक हुनेगरी अझै सहमति हुन नसकेको अध्यक्ष प्रचण्डनिकट एक नेताले बताए।
‘आज दुई अध्यक्षज्यूले वान टू वान संवाद गर्नुभयो। सौहार्दपूर्ण वातावरणमा छलफल भयो’ प्रधानमन्त्रीका प्रेस सल्लाहकार सूर्य थापाले भने, ‘बुधबार फेरि वान टू वान छलफल हुनेछ। अहिलेसम्म कुनै सहमति भएको छैन।’ ओली प्रचण्डको वान टू वान संवादमा दुवैले आ–आफ्नो अडान छोड्न नमानेको अध्यक्ष प्रचण्डनिकट ती नेताले बताए।
पार्टीमा सहमति कायम गर्न विभिन्न मोडलमा छलफल भएपनि कुनै निर्णय भएको छैन। असार १० गतेदेखि सुरु भएको स्थायी कमिटी बैठक साउन २0 गतेसम्मका लागि स्थगित गरिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।