एजेन्सी- भारतीय प्रधानमन्त्री नरेन्द्र मोदीले सिंगापुरका प्रधानमन्त्रीलाई निर्वाचनमा विजयी भएकोमा बधाई ज्ञापन गरेका छन्। शुक्रबार भएको आमनिर्वाचनबाट सिंगापुरका प्रधानमन्त्री लि हसिन लुङ्गको सत्तारुढ दल नै विजयी भएको छ। प्रधानमन्त्री लिलाई भारतीय प्रधानमन्त्री मोदीले शनिबार ट्वीट गरेर बधाई दिएका हुन्।
आफ्नो पक्षमा निर्वाचनको नतिजा आएपछि यसलाई सकारात्मक र सन्तोषजनक रुपमा लिएको प्रधानमन्त्री लिले बताएका छन्।
सत्तारुढ दल पिपल्स एक्सन पार्टी (पिएपी) ले दुई तिहाइ बहुमतभन्दा बढी मत प्राप्त गरेको छ। यहाँको विपक्षी दल वर्कर्स पार्टी (डब्लुपी)ले निकै थोरै मात्रै सिटमा जित्न सफल भएको छ।
यहाँको सत्तारुढ दल सिंगापुरमा सन् १९५९ देखि नै सत्तामा रहँदै आएको छ। शनिबारको आम निर्वाचनमा कुल मतदातामध्ये ६१.२४ प्रतिशतमात्रै मतदाता सहभागी भएका थिए।
प्रधानमन्त्री मोदीले सिंगापुरमा लिको आगामी कार्यकाल सफल बन्न सकोस् र उनको कार्यकालमा सिंगापुरका नागरिकले सम्पन्नता हाँसिल गर्न सकुन् भन्ने कामना पनि गरेका छन्।
कोभिड १९ को महामारी विश्वमा नै कायम रहेका बेला सिंगापुरमा भने आम निर्वाचन सम्पन्न भएको छ। प्रधानमन्त्री लि सिंगापरमा चौथो कार्यकाल प्रधानमन्त्री बन्ने तेस्रो व्यक्ति भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
