काठमाडौं–कोरोनाका कारण समस्यामा परेका नेपालीको उद्धारका लागि आज शनिबार १४ वटा अन्तर्राष्ट्रिय उडान तथा अवतरण हुने भएका छन्। नेपाल एयरलाइन्स, टर्किस एयरलाइन्स, इत्तिहाद एयरलाइन्स, एयर अरेबिया, जजिरा एयर र हिमालय एयरलाइन्सले आज उडान गर्न लागेका हुन्।
जसअनुसार नेपाल एयरलाइन्सको जहाज आज बिहान ११.२५ बजे क्वालालम्पुरबाट आइपुग्नेछ भने राति पौने ९ बजे बहराइन र ९ बजे जापानको नारिता उड्नेछ।
यस्तै, हिमालय एयरलाइन्सको जहाज बिहान साढे ७ बजे चीनको कुन्मिङबाट आइ अवतरण गर्नेछ भने साँझ साढे ७ बजे पुनः कुन्मिङ फर्कनेछ। सोही एयरलाइन्स राति पौने ९ बजे दमाम प्रस्थान गर्नेछ भने राति ११.५५ बजे मनिला उड्नेछ ।
यसैगरी, इत्तिहाद एयर साँझ ४ बजे ओमानबाट आएर ७ बजे फर्कनेछ भने टर्किस एयरलाइन्स ४ बजे इस्तानबुलबाट आएर ७ बजे फर्कनेछ । एयर अरेयिबा साढे ३ बजे सारजहाबाट आएर साढे ४.१० बजे फर्कनेछ भने जजिरा एयर कुवेतबाट साढे १ बजे आएर साढे २ बजे फर्कनेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
