काठमाडौं- जारी सिजनको च्याम्पियन्स लिग अन्तर्गत क्वाटरफानल खेलमा को विरुद्ध को खेल्ने भन्ने निक्योल भएको छ। अन्तिम १६ बाट क्वाटरफाइनल पुग्ने चार टिमको टुंगो लाग्नुपहिले नै ड्र सार्वजनिक गरिएको हो।
जसअनुसार क्वाटरफाइनलमा लाइपजिग र एथ्लेटिको मड्रिड साथै एटलान्टा र पिएसजी भिड्ने पक्का भएको छ। यस्तै अन्तिम १६ मा रहेका म्यानचेस्टर सिटी र रियल मड्रिडमध्ये एकले युभेन्टस र लायोनमध्ये एकसँग क्वाटरफाइनलमा खेल्नेछन्। अन्तिम १६ मै रहेका बार्सिलोना र नापोलीमध्ये एकले बायर्न र चेल्सीको विजेतासँग क्वाटरफाइनलमा खेल्नेछन्।
अन्तिम १६ अन्तर्गत म्यानचेस्टर सिटीले पहिलो लेगमा रियल मड्रिडलाई २–१ ले हराएको थियो। लायोनले युभेन्टसलाई १–० ले हराएको थियो। बार्सिलोना र नापोलीको खेल १–१ को बराबरी भएको थियो भने बायर्न म्युनिखले चेल्सीलाई ३–० ले हराएको थियो।
यस्तै सेमिफाइनलमा रियल मड्रिड–म्यानचेस्टर सिटी र लायोन–युभेन्टस मध्ये एकले नापोली–बार्सिलोना र चेल्सी–बायर्न म्युनिखमध्ये विजेता टिमसँग खेल्नेछ। लाइपजिग र एथ्लेटिको मड्रिड बीचको विजेताले एटलान्टा र पिएसजीमध्ये विजेतासँग खेल्नेछ।
च्याम्पियन्स लिगमा बाँकी रहेका अन्तिम १६ का खेलहरु अगस्ट ७ र ८ मा हुनेछन्। त्यसपछि क्वाटरफाइनलका खेलहरु अगस्ट १२ र १५ मा हुनेछन्। सेमिफाइनल अगस्ट १८ र १९ मा हुनेछ। फाइनल खेल अगस्ट २३ मा हुनेछ। क्वाटरफाइनल र सेमिफाइनल खेल पनि एक खेलको मात्र हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
