काठमाडौं- इंग्लिस प्रिमियर लिग फुटबलमा म्यान्चेस्टर युनाइटेडले एस्टोन भिल्लामाथि सहज जित निकालेको छ।
बिहीबार राति भएको खेलमा म्यान्चेस्टर युनाइटेडले एस्टोन भिल्लामाथि ३–० गोलको जित निकालेको हो। युनाइटेडको जितमा ब्रुनो फेर्नान्डेज, मासोन ग्रिनवोड र पाउल पोग्बाले गोल गरे।
खेलको २७औं मिनेटमा गोल गर्दै फेर्नान्डेजले युनाइटेडलाई अग्रता दिलाए। पहिलो हाफको अन्तिम समयमा ग्रिनवोडले गोल गर्दै पहिलो हाफसम्म युनाइटेडलाई २–० गोलको अग्रता दिलाए। खेलको ५८औं मिनेटमा पोग्बाले गोल गर्दै युनाइटेडलाई ३–० गोलको जित दिलाए।
यो जितसँगै युनाइटेडले ३४ खेलबाट ५८ अंक बनाएको छ। पराजित एस्टोन भिल्लाको भने ३४ खेलबाट २७ अंक छ।
बिहीबार राति नै भएको खेलमा टोनह्यामले बर्नेमाउथसँग गोलरहित बराबरी खेलेको छ। एभर्टन र साउथह्याम्पटनले १–१ गोलको बराबरी खेल्दै अंक बाँडेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
