काठमाडौं- नेपालमा कोरोना संक्रमितको संख्या १६ हजार ५ सय ३१ पुगेको छ। गत २४ घण्टामा मात्र १ सय ८ संक्रमित थपिएको स्वास्थ्य तथा जनसंख्या मन्त्रालयले जनाएको छ।
२५ वटा प्रयोगशालामा गरिएको परीक्षणमा १ सय ८ जना संक्रमित भेटिएको हो।
प्रादेशिक जनस्वास्थ्य प्रयोगशाला विराटनगरमा गरिएको परीक्षणमा सुनसरी र झापाका १-१ जनामा कोरोना पुष्टि भएको मन्त्रालयका प्रवक्ता डा. जागेश्वर गौतमले बताए। गजेन्द्र नारायण सिंह अस्पताल राजविराजमा सप्तरीका २, प्रादेशिक जनस्वास्थ्य प्रयोगशाला जनकपुरमा धनुषाका २ र सिरहाका ४, राष्ट्रिय जनस्वास्थ्य प्रयोगशाला टेकुमा दार्चुलामा १, डोटीका २, काठमाडौं, नुवाकोट र सर्लाहीका १÷१ जनामा कोरोना भेटिएको छ।
शुक्रराज ट्रपिकल तथा सरुवा रोग अस्पतालमा काठमाडौंका १, भरतपुर अस्पताल प्रयोगशाला चितवनमा चितवनका ४ र नवलपरासी पूर्वका १, किटजन्य रोग अनुसन्धान तथा तालिम केन्द्र प्रयोगशाला हेटौडामा मकवानपुरका १ जनामा कोरोना पाइएको छ।
गत २४ घण्टामा गरिएको परीक्षणमा त्रिवि शिक्षण अस्पताल महाराजगञ्जमा बागलुङमा १, काठमाडौंका २ र सिन्धुपाल्चोकमा १ जनामा कोरोना पुष्टि भएको मन्त्रालयले जनाएको छ। प्रादेशिक जनस्वास्थ्य प्रयोगशाला पोखरामा बागलुङका २, तनहुँका १ र म्याग्दीका २, पोखरा स्वास्थ्य विज्ञान प्रतिष्ठानमा गोरखाका २, कास्कीका ४, लमजुङका ५ जनामा कोरोना भेटिएको मन्त्रालयका प्रवक्ता डा. गौतमले जानकारी दिए।
यस्तै, भेरी अस्पताल नेपालगञ्जमा बाँके र दाङका २÷२, राप्ती स्वास्थ्य विज्ञान प्रतिष्ठान दाङमा दाङका ५, सुर्खेत प्रादेशिक अस्पतालमा दैलेखका २, मुगुका २ र सुर्खेतका ८, डडेल्धुरा अस्पताल प्रयोगशालामा बझाङका १६ जनामा कोरोना पुष्टि भएको छ।
मन्त्रालयका अनुसार सेती प्रादेशिक अस्पताल धनगढीमा अछामका ४, बाजुरा र कञ्चनपुरमा २÷२ र कैलालीका ८ जनामा कोरोना भेटिएको छ।
मन्त्रालयले कोरोनाको आशंकामा गत २४ घण्टामा ४ हजार ५ सय ८८ जनाको पिसिआर परीक्षण गरेको छ। मुलुकभर हाल २४ हजार ४ सय २५ क्वारेन्टाइन र ८ हजार ६ सय ५ जना अस्पतालको क्वारेन्टाइनमा रहेको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
