काठमाडौं- देशका ६ जिल्लामा ५ सय भन्दा बढी व्यक्ति कोरोनाको उपचारमा रहेका छन्। बिहीबार स्वास्थ्य तथा जनसंख्या मन्त्रालयले दिएको जानकारीअनुसार महोत्तरी, रौतहट, पाल्पा, अछाम, कैलाीली र बाजुराका ५ सयभन्दा बढी व्यक्तिको कोरोनाको उपचार भइरहेको छ।
बिहीबार नै देशका ५ जिल्लाका सबै कोरोना संक्रमित निको भएर घर फर्किएका छन्। धनकुटा, भोजपुर, सोलुखुम्बु, मुस्ताङ र हुम्लामा हालसम्म भेटिएका सबै कोरोना संक्रमित उपचारपछि निको भएर घर फर्किएको मन्त्रालयका प्रवक्ता डा जागेश्वर गौतमले जानकारी दिए।
बिहीबार देशभरबाट १ सय ३९ जना कोरोना संक्रमणमुक्त भएको मन्त्रालयका प्रवक्ता डा जागेश्वर गौतमले जानकारी दिएका हुन्।
विगत २४ घण्टायता नेपालमा थप १०८ जनामा कोरोना भाइरसको संक्रमण देखिएको समेत मन्त्रालयले जनाएको छ।
आज थपिएकासहित नेपालमा संक्रमितको संख्या १६ हजार ५ सय ३१ जना पुगेको छ। यीमध्ये हालसम्म ७ हजार ८ सय ९१ जना निको भएर घर फर्किएका छन्।
बिहीबारसम्म ३५ कोरोना संक्रमितको मृत्यु भएको जानकारी मन्त्रालयले दिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।