काठमाडौं- सत्तारुढ दल नेपाल कम्युनिस्ट पार्टी (नेकपा)का अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल 'प्रचण्ड'बीचको ‘वान टू वान’ संवाद सकिएको छ। प्रधानमन्त्री निवास बालुवाटारमा भएको संवादमा दुई अध्यक्ष मात्र भएको प्रचण्ड निकट नेकपाका एक जना स्थायी कमिटी सदस्यले नेपाल लाइभलाई जानकारी दिएका छन्।
ओलीसँगको वार्ता सकेर प्रचण्ड भर्खरै बालुवाटारबाट बाहिरिएको बालुवाटार स्रोतले जनाएको छ। प्रधानमन्त्रीका प्रेस सल्लाहकार सूर्य थापाका अनुसार बिहीबार (भोलि) पनि अध्यक्षद्वयबीच वान टू वान संवाद चल्नेछ। बुधबार भएको छलफल सकारात्मक भएको उनको दाबी छ। प्रधानमन्त्री ओली र प्रचण्डबीच करिब २ घण्टा संवाद भएको थियो।
पार्टीभित्रको विवाद मिलाउन ओली-प्रचण्ड विगत तीन दिनदेखि निरन्तर संवाद गर्दै आएका छन्। गत आइतबार प्रधानमन्त्री ओलीले संवादमा महासचिव विष्णु पौडेल र शंकर पोखरेललाई राखेका थिए भने अर्का अध्यक्ष प्रचण्डले ऊर्जा मन्त्री एवं स्थायी कमिटी सदस्य वर्षमान पुन र जनार्दन शर्मालाई राखेका थिए।
संवादमा अरु नेताहरुलाई राख्दा विवादको विषयवस्तु गिजोलिने भन्दै दुई अध्यक्षले मात्रै संवाद गरेका बताइएको छ। ओली-प्रचण्डले सोमबार र मंगलबार पनि वान टू वान वार्तासमेत गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
