मार्तडी-बाजुरामा लगातारको अविरल वर्षाका कारण ठाउँ–ठाउँमा पहिरो आएपछि साँफे–मार्तडी सडक बुधबार बिहानदेखि अवरुद्ध भएको छ। माथिबाट पहिरो बग्ने र तलबाट भासिन थालेपछि सडक पूर्णरुपमा अवरुद्ध बनेको हो । बूढीगंगा नगरपालिकाको अम्कोट र द्वारीमा नदीले कटान गर्न थालेपछि सडक भासिँदै गएको हो।
सडकको पानीनाउला, तिपाडा, ओलेनामा माथिबाट पहिरो बग्न थालेको छ। पानीनाउलामा आएको पहिरो पन्छउने कार्य भइरहेको जिल्ला प्रहरी कार्यालय बाजुराका प्रहरी नायब उपरीक्षक टंकप्रसाद भट्टराईले बताए। सडक अवरुद्ध बनेपछि खुलाउने प्रयास भइरहेको भए पनि माथिबाट पहिरो खस्ने भएकाले समस्या भएको छ। ठाउँ–ठाउँमा पहिरो गएको छ। आवतजावतमा समेत निकै समस्या भएको स्थानीयवासी सुशील थापाले बताए।
सडक जोखिममा हुँदा सदरमुकाम मार्तडी, बाजुराको उत्तरी क्षेत्र तथा हुम्ला र मुगुबाट आउनसमेत समस्या हुने भएको छ। वर्षायाममा सडक अवरुद्धले यस क्षेत्रमा दैनिक उपभोग्य सामान र औषधिको अभाव हुने गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772271039.png)
