बेइजिङ- बेइजिङले शहरको प्रमुख थोक खाद्य बजारमा जुन ११ मा पुनः कोभिड–१९ संक्रमित भेटिएपछि पहिलोपटक विगत २४ घण्टामा कुनै नयाँ संक्रमित नभेटिएको जनाएको छ।
बेइजिङको स्वास्थ्य आयोगले मंगलबार दिएको जानकारीमा जुन ११ पछि सिनफादी बजारसँग जोडिएर संक्रमित बिरामीहरू भेटिने गरेको भएपनि पहिलो पटक विगत २४ घण्टामा कुनै कोरोना भाइरस संक्रमित बिरामी नभेटिएको उल्लेख छ।
समग्रमा पछिल्लो संक्रमण श्रृङ्खलामा अहिलेसम्म ३३५ व्यक्ति सङक्रमित भेटिएकोमा १५ जना निको भई घर फर्किसकेका छन्। त्यस्तै ३ सय २० जनाको उपचार भइरहेको र ३१ जनामा संक्रमणका कुनै लक्षण नदेखिएको तर उनीहरूलाई पनि अस्पतालको निगरानीमा राखिएको बताइएको छ।
चीनमा कोभिड–१९ संक्रमण नियन्त्रणमा आइसकेको घोषणा भएको केही महिनापछि फेरि नयाँ बिरामीहरू भेटिएका र तीमध्ये दर्जनौं बिरामीहरू सिनफादी बजारसँग कुनै न कुनै रूपमा जोडिएकाले उक्त बजार र वरपरका करिब एक दर्जन बस्तीमा लकडाउन गरी नियन्त्रण तथा रोकथाम प्रयासलाई सशक्त पारिएको थियो।
चीनले मंगलबार देशभरका विभिन्न ६ प्रान्तका आठ व्यक्तिमा संक्रमण भेटिएको पुष्टि गरेको छ। यससँगै चीनमा पहिले र अहिले गरी कूल ८३ संक्रमितको सङ्ख्या हजार ५ सय ६५ पुगेको छ भने ७८ हजार ५ सय २८ जना निको भई घर फर्किएका छन्। चीनमा मंगलबारसम्ममा ४ हजार ६ सय ३४ जनाको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
