काठमाडाैं- लकडाउनमा घर बसाइँको समयलाई सिर्जनात्मक बनाउँदै आफ्नो ठाउँलाई प्रचार गर्ने उद्देश्यका साथ नेपाल पर्यटन बोर्डले आयोजना गरेको झ्यालबाट देखिने सुन्दर दृश्यको फोटो प्रतियोगितामा सहभागी सात सयभन्दा बढी फोटोहरु मध्येबाट उत्कृष्ट ५ छनौट गरेको छ।
उत्कृष्ट पाँचमा छनौट भएका फोटोग्राफरहरुमा प्रबिन श्रेष्ठ, उमेश स्थापित, शुसिल पौडेल, साम्दे शेर्पा र कमल कँडेल रहेका छन्। प्रतियोगिताको मुख्य निर्णायकमा वरिष्ठ फोटोपत्रकार नरेन्द्र श्रेष्ठ रहेका थिए।
प्रतियोगितामा नेपालको कुनै ठाउँको प्राकृतिक सौन्दर्य, संस्कृति, पर्यटन गतिविधि वा केही पनि सान्दर्भिक फाेटाेहरु अनलाइनबाट पठाउन अनुरोध गरिएको थियो। नेपाल पर्यटन बोर्डको फोटो अभियानको साइटमार्फत प्रतियोगितामा सहभागिता जनाइएको थियो। विजयीहरुलाई दश हजार रुपैयाँ पुरस्कार प्रदान गरिने भएकाे छ।
बोर्डका कार्यकारी प्रमुख डा धनञ्जय रेग्मीले विजयीहरुलाई बधाई एवं सहभागीहरुलाई धन्यवाद ज्ञापन गर्दै आगामी दिनहरुमा पनि बोर्डको नेपाल प्रवर्द्धन गर्ने अभियानहरुमा सहभागी हुन अनुरोध गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
