फाइल तस्बिर
काठमाडौं– नेकपा अध्यक्षद्वय केपी शर्मा ओली र पुष्पकमल दाहाल प्रचण्डबीच भइरहेको बालुवाटारको बार्ता सकिएको छ। झन्डै एक घन्टा अध्यक्षद्वयबीच वार्ता भएको हो।
उनीहरुबीच पार्टीमा चर्किएको विवादका विषयमा छलफल भएको हो। छलफलका विषयमा विस्तृत जानकारी आउन बाँकी छ। छलफलमा ओलीनिकट नेताहरु विष्णु पौडेल र शंकर पोखरेल सहभागी थिए भने प्रचण्डनिकट नेताहरु वर्षमान पुन र जनार्दन शर्मा सहभागी थिए।
स्थायी कमिटी बैठकमा अधिकांश सदस्यले प्रधानमन्त्री ओलीको राजीनामा मागेपछि विवाद चर्किएको थियो। विवादले चरम रुप लिएपछि शीर्ष तहमा छलफल भइरहेको छ।
यसअघि प्रधानमन्त्री ओलीले आफू र राष्ट्रपतिलाई हटाउन खोजिएको भन्दै मन्त्रीहरुसँग छलफल गरेका थिए। प्रधानमन्त्री ओलीको उक्त अभिव्यक्तिपछि अध्यक्ष प्रचण्ड, वरिष्ठ नेताद्वय झलनाथ खनाल र माधव नेपालले पनि राष्ट्रपति भेटेका थिए।
प्रधानमन्त्री ओलीले राष्ट्रपतिविरुद्ध महाअभियोग लगाउने तयारी भएको र आफूलाई पनि हटाउने षडयन्त्र भएको शनिबार मन्त्रीहरुलाई भनेपछि ओली इतरका नेताहरु राष्ट्रपति भेट्न पुगेका थिए।
राष्ट्रपतिसँगकाे भेटमा नेताहरुले प्रधानमन्त्री ओलीका गलत कदमविरुद्ध साथ नदिन राष्ट्रपतिलाई आग्रह गर्दै महाअभियोग लगाउने हल्ला निराधार भएको बताएका थिए। नेकपा स्थायी कमिटी बैठक साेमबार बस्दैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
