धनगढी- बझाङमा शुक्रबार राती पहिरो जाँदा केदारस्यूँ गाउँपालिका- ८ मल्लेसी गाउँमा १८ घर पहिरोले बगाउँदा उठिबास भएपछि नेपाल सरकार गृह मन्त्रालयले नेपाली सेनाको हेलिकोप्टर मार्फत राहत सामग्री ल्याएको छ।
शनिबार दिउँसो सुर्खेतबाट उडेको हेलिकोप्टरले धनगढीबाट राहत सामग्री ल्याएर सदरमुकाम चैनपुर नजिकै रहेको भोपुर ब्यारेकमा अवतरण गरेको हो। पहिरो पीडितहरूका लागि खाद्यान्न, लुगा कपडा, पाल र भाडाकुडाहरु ल्याइएको बताइएको छ।
राहत सामग्री गाडी मार्फत घटनास्थलसम्म लिनका लागि गाडीहरु तयारी अवस्थामा रहेको प्रमुख जिल्ला अधिकारी कमलराज भण्डारीले बताए। उनले राहत सामग्री तत्काल बाँँड्ने समेत बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
