काठमाडौं- प्रधानमन्त्री निवास बालुवाटारमा नेकपाका दुई अध्यक्ष केपी शर्मा ओली र पुष्पकमल दाहाल प्रचण्डबीच संवाद भइरहेको छ। उक्त भेटमा अर्का दुई नेताहरु पनि छन्। ओलीनिकट मानिएका नेकपा महासचिव विष्णु पौडेल र प्रचण्ड निकट नेकपा नेता जनार्दन शर्मा।
उनीहरु दुई जना त्यहाँ उपस्थित हुनुलाई राजनीतिक वृत्तमा अर्थपूर्ण रुपमा हेरिएको छ। पार्टी एकीकरणका क्रममा २०७५ साल जेठ २ गते तत्कालीन नेकपा एमाले र माओवादी केन्द्रबीच पाँच बुँदै सहमति भएको थियो। दुवै पार्टीका अध्यक्षहरुबीच भएको उक्त सहमतिका साक्षी थिए पौडेल र शर्मा।
त्यो सहमतिमा उनीहरु अदृष्य साक्षीका रुपमा मात्रै सीमित रहेनन्। उपस्थितका नाममा सहमति पत्रमा हस्ताक्षर समेत गरे। पार्टी एकता संकटमा परेको वर्तमान अवस्थामा फेरि पार्टी एकीकरणमा भेला भएका चारजना एकै ठाउँ छन्। पार्टी एकताको त्यो धरातल सम्झाउन अध्यक्षहरुले आ-आफ्ना साक्षी बोलाएको आकलन गरिएको छ।
फेरि उनीहरु सोही सहमतिको आधारमा एक भएर अघि बढ्न सक्ने संकेत यो भेलाले गरेको छ। यही सहमतिलाई आधारमा मानेर अघि बढ्ने सहमति भएमा बुँदा नं ४ को महत्वपूर्ण अर्थ हुनेछ। सो बुँदा अनुसार ओलीले प्रधानमन्त्रीबाट राजीनामा दिनुपर्नेछ। किनभने उक्त बुँदामा लेखिएको छ, ‘समानता र समान अवधिका आधारमा आवश्यकता अनुसार दुवै अध्यक्षले सरकारको नेतृत्व गर्ने।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790399464.jpeg)
-1790307658.jpeg)
-1786602170.png)
