काठमाडौं–इंग्लिस प्रिमियर लिग फुटबलमा च्याम्पियन लिभरपुलले म्यान्चेस्टर सिटीसँग लज्जास्पद हार ब्यहोरेको छ।
बिहीबार राति भएको खेलमा घरेलु टोली म्यान्चेस्टर सिटीले लिभरपुललाई ४-० गोलअन्तरले पराजित गरेको हो। म्यान्चेस्टर सिटीको जितमा केभिन डे ब्रुयन, रहिम स्टर्लिङ, फिल फोडेनले गोल गरे। एक गोल भने लिभरपुलका एलेक्स च्याम्बरलिनले आत्मघाति गोल गरेपछि सिटीले उपहारस्वरुप पाएको थियो।
खेलको २५औं मिनेटमा ब्रुयनले गोल गर्दै सिटीलाई अग्रता दिलाएका थिए। ३५औं मिनेटमा स्टर्लिङले गोल गर्दा ४५औं मिनेटमा फोडेनले गोल गर्दै पहिलो हाफसम्म सिटीलाई ३-० गोलको अग्रता दिलाए। पहिलो हाफमा नै फराकिलो अन्तरले पछि परेको लिभरपुलले दोस्रो हाफमा आफ्नै खेलाडीबाट आत्माघाति गोल खान पुग्यो। खेलको ६६औं मिनेटमा एलेक्स च्याम्बिरलिनले आत्मघाति गोल गरेपछि सिटी ४-० गोलअन्तरले विजयी भएको हो।
सात खेलअघि नै प्रिमियर लिगको उपाधि जितिसकेको लिभरपुल आफ्नो ३२औं खेलमा फराकिलो अन्तरले पराजित हुन पुगेको हो। लिगको उपाधि जितेको लिभरपुललाई पाजित गर्दै दोस्रो स्थानमा रहेको सिटीको ३२ खेलबाट ६६ अंक भएको छ। शीर्ष स्थानमा रहेको लिभरपुलको भने ८६ अंक छ।
त्यस्तै, बिहीबार नै भएको खेलमा सेफिल्ड युनाइटेडले टोटनह्यामलाई ३–१ गोलअन्तरले पराजित गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
