काठमाडौं– केही दिनदेखि नेपाल कम्युनिष्ट पार्टीको स्थायी कमिटी बैठक चलिरहेको छ। पार्टीभित्रको मतभेद चुलिएको अवस्थामा भइरहेको स्थायी कमिटीको बैठकमात्र औपचारिक बनिरहेको छ। बैठकहरु बढी बाहिर बस्न थालेका छन्। स्थायी कमिटीका सदस्यहरु रनभुल्लमा छन्। मन्त्रिपरिषदको बैठक बसेर सकिएको केही मन्त्रीहरुलाई थाहा हुन छाडेको छ।
नेकपाका आमन्त्रित स्थायी कमिटी सदस्य एनके प्रसाईंले बिहीबारको आफ्नो भोगाइ र बालुवाटारको अवस्थाको विवरण दिएका छन्।
बाँकी उनकै शब्दमाः
प्रधानमन्त्रीको अनुपस्थितिमै बिहान बैठक सञ्चालन भयो। बिहान एकछिन भयो। ४-५ जना साथीहरु बोले। प्रधानमन्त्री नआई बैठक सञ्चालन गर्न मिल्दैन भन्ने आवाज उठ्यो, त्यसपछि केही मन्त्रीहरु डेलिगेशन जानुभयो। डेलिगेशनमा जाने मन्त्रीहरुमा ईश्वर पोखरेल, रामबहादुर थापा बादल र शक्ति बस्नेत हुनुहुन्थ्यो।
उहाँहरु त्यहाँ पुग्दा मन्त्रिपरिषदको बैठक सकिसकेछ। केही मन्त्रीहरु मन्त्रिपरिषदमा‚ केही स्थायी कमिटीमा भए। स्थायी कमिटीमा रहेका मन्त्रिजीहरु बैठक बस्न पाउनुभयो। सदन स्थगित भएछ।
प्रधानमन्त्री नआएपछि बिहान अध्यक्ष पुष्पकमल दाहाल प्रचण्डले बैठक सञ्चालन गर्नुभयो। केही जना ओलीजी पक्षका बोल्नुभयो। केही अर्को पक्षका बोल्नुभयो। पक्ष र विपक्षमा कुरा भयो। धेरैले आलोचना गर्नुभयो। प्रधानमन्त्री ओलीको पक्षमा नेता केशव बडालले कुरा राख्नुभयो। अवगुण देख्नुहुन्न भन्नुभयो। ख्यालठट्टाजस्तो पनि भयो।
त्यसपछि अध्यक्ष प्रचण्ड जानुभयो। केही अरु पनि जान थाल्नुभयो। बैठक स्थगित भयो। झन्डै एक घन्टादेखि गोप्य कोठामा कुरा भइरहेको छ। अवस्था सहज देखिँदैन। केही हामी यता शोकाकुल छौं। तर, पार्टी भने फुट्न दिँदैनौं।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791212224.jpg)
-1786602170.png)
-1791090469.jpeg)
