काठमाडौं-नेपाल कम्युनिष्ट पार्टी (नेकपा) अध्यक्ष पुष्पकमल दाहाल 'प्रचण्ड'ले आफूले गल्ती गरेको भए सच्याउन तयार रहेको बताएका छन्।
केपी ओलीनिकटका नेताहरुसँग बिहीबार बिहान आफ्नै निवास खुमलटारमा छलफल गर्दै प्रचण्डले पार्टीको पछिल्लो विवाद निरूपणका उपायमाथि छलफल गरेका थिए।
‘मैले के गल्ती गरे भन्नूस्, सबै सच्याउन तयार छु’, प्रचण्डले ओलीनिकट नेतालाई भनेको विषय उद्धृत गर्दै सहभागी एक नेताले भने।
बुधबार ललितपुरमा भएको भेलामा पनि प्रचण्डले पार्टीमा गहिरिँदो संकटको दोषी आफू नभएको बताएका थिए। ‘कतिपयले मैले नै पार्टी र सरकारमा अस्थिरता मच्याएको भनेर प्रचार गरिरहेका छन्। त्यसमा कुनै सत्यता छैन,’ बुधबारको छलफलमा उनले भनेका थिए।
प्रचण्डले ओली निकटका नेताहरूसँग छलफल गर्ने तय बुधबार साँझको प्रचण्ड-नेपाल समूहका नेताहरूको छलफलबाट भएको थियो। सोही अनुसार, उनले ओलीनिकट केही स्थायी समिति सदस्यलाई छलफलका लागि खुमलटार बोलाएका थिए।
छलफलमा ओली निकटका ईश्वर पोखरेल, विष्णु पौडेल, सुवास नेम्वाङ लगायतका नेता सहभागी भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
