काठमाडौं- नेपाल कम्युनिस्ट पार्टी (नेकपा) को बुधबार बसेको स्थायी कमिटी बैठकबाट नेताहरु बाहिरिएका छन्।
बिहान साढे ११:२० बजे सुरु भएको बैठकबाट नेताहरु केही बेरअघि बाहिरिएका हुन्।
स्थायी कमिटी सदस्य देवेन्द्र पौडेलका अनुसार आजै निधन भएकी सांसद ज्ञानकुमारी छन्त्यालका प्रति श्रद्धाञ्जली व्यक्त गर्न नेताहरु संसद जानका लागि बैठक स्थगित गरिएको हो।
आजको लागि बैठक सकिएको उनले बताए।
अपडेटः
स्थायी कमिटीको आजको बैठकमा पाँच जना सदस्यले धारणा राखेको पार्टीका प्रवक्ता नारायणकाजी श्रेष्ठले जानकारी दिए।
उनका अनुसार, मातृका यादव, नन्द प्रसाईं, पेशल खतिवडा, योगेश भट्टराई, लीलामणि पोखरेलले आज धारणा राखेका थिए।
आजको बैठकमा पनि हिजोकै एजेन्डामा छलफल भएको श्रेष्ठले बताए। हिजो प्रधानमन्त्रीको विवादित अभिव्यक्ति र नेकपा एमाले नामको पार्टी दर्ताका विषयमा छलफल भएको थियो। हिजो १८ जनाले धारणा राखेका थिए।
बैठक भोलि बिहान ११ बजे पुनः बस्ने उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
