काठमाडौं–प्रतिनिधि सभाका सभामुख अग्निप्रसाद सापकोटा र राष्ट्रिय सभा अध्यक्ष गणेशप्रसाद तिमिल्सिनाले संसदीय अभ्यासलाई निरन्तर सुधार गरी यसका मूल्य मान्यतालाई संस्थागत गर्दै व्यवहारमा उतार्न हरदम प्रयत्न गर्नुपर्ने आजको आवश्यकता रहेको बताएका छन्।
संसद दिवसका अवसरमा शुभकामना सन्देश दिँदै उनीहरुले राज्य पुनर्संरचना र संघीय शासन प्रणालीको कार्यान्वयन गर्न तीनै तहमा संसदीय अभ्यासलाई प्रभावकारी बनाई यसको जगैदेखि मजबूत बनाउन सबै क्षेत्रको सहयोग हुनु जरुरी रहेको बताएका छन्।
‘लामो समयदेखि अनवरत संघर्ष, राजनीतिक तथा सामाजिक आन्दोलनको परिणामस्वरुप आज हामीले मौलिक ढंगको संसदीय परिपाटीको सञ्चालन गर्न पाएका छौं,’ सन्देशमा भनिएको छ।
यसपटक कोभिड–१९ महामारीका कारण संसद दिवसका औपचारिक कार्यक्रम नगरिने पनि जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
