काठमाडौं- आइएमएस ग्रुपले अनलाइन सपिङ प्लेटफर्म स्मार्ट डोकोमा लगानी गरेको छ। ग्रुपले लगानी विस्तार गर्दै सोमबार स्मार्टडोकोको हिस्सेदारी खरिद गर्ने सम्झौता गरेको हो।
विगत चार वर्षदेखि स्मार्टडोकोले सामानहरू अर्डर गर्न र केही घण्टामै ग्राहकको ढोकामा पुर्याउन सहज सुविधा प्रदान गर्दै आएको छ। कम्पनीले काठमाडौंको चक्रपथभित्रका क्षेत्रमा निःशुल्क डेलिभरी गर्दै आएको छ।
'नयाँ युग डिजिटल हुँदै गइरहेको साथसाथै स्मार्टफोन र अनलाइन क्षेत्रमा तिब्रगतिले विश्वव्यापी ई–कमर्समा ठूलो वृद्धि देखिएको छ। आईएमएस ग्रुपले स्मार्टडोकोमा थप लगानी विस्तार गर्ने निर्णय गरेको छ,' आईएमएस ग्रुप अध्यक्ष तथा प्रमुख कार्यकारी अधिकृत दिकेश मल्होत्राले भने, 'हाम्रो प्राथमिक उद्देश्य, स्मार्टडोकोका ग्राहकको सन्तुष्टि वृद्धि गर्नु हो।'
आइएमएस ग्रुप अन्तर्गत २० भन्दा बढी कम्पनी छन्। आईएमएस ग्रुप सामसङ्ग स्मार्टफोनको नेपालका लागि आधिकारिक विक्रेता समेत हो। कम्पनीले नेपालमा पहिलोपटक मोबाइल फोन आयात गरेको थियो। ग्रुपले डक्टरब्राउन, क्रेन, हिमालय, बिबि लभ, ड्रिमबेबि एनर्जाइजर र डीजिआइ जस्ता अन्तर्राष्ट्रिय ब्रान्डहरूको डिलरसिप पनि प्राप्त गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768981471.jpg)
-1764146706.png)
