शुक्रबारको नेकपा बैठक सीमाका विषयमा केन्द्रित, शनिबार फेरि बस्ने

राजनीति

नेपाल लाइभ शुक्रबार, असार १२, २०७७ १७:०२

काठमाडौं– नेपाल कम्युनिष्ट पार्टी स्थायी कमिटीको बैठकको दोस्रो दिन शुक्रबार सीमा विवादको विषयमा केन्द्रीत रह्यो। सरकारले जारी गरेको नयाँ नक्सा र भूमि फिर्ता लिन भारतसँग गरिने पहलका विषयमा शुक्रबार बोल्ने नेताहरुले आफ्ना कुराहरु राखे।

नेकपा प्रवक्ता नारायणकाजी श्रेष्ठका अनुसार शुक्रबार एजेन्डाका रुपमा सीमा विवादलाई प्रस्तुत गरिएको थियो। लिम्पियाधुरा, कालापानी र लिपुलेकलाई समेटेर जारी गरिएको नक्साका विषयमा सरकारले जुटाएको राष्ट्र सहमतिको प्रशंसा गर्दै भूमि फिर्ता आउनेमा सन्देश प्रकट गरेको श्रेष्ठले बताएका छन्।

भूमि फिर्ताका लागि सरकारको पहलका बारेमा उनीहरुले सवाल उठाएका थिए। शुक्रबार स्थायी कमिटी सदस्यहरु भीम रावल, लिलामणि पोखरेल, मातृका यादव, शंकर पोखरेल, देव गुरुङ, गोकर्ण विष्ट, छविलाल बिक, अमृत बोहरा, मुकुन्द न्यौपाने, गणेश साह, केशव बडाललगायतले आफ्ना धारणा राखेका थिए।

परराष्ट्रमन्त्री समेत रहेका प्रदीप ज्ञवालीले चीनसँग सीामामा कुनै समस्या नभएको बताउँदै भारतसँग समस्या समाधानका लागि पहल भइरहेको बताएको प्रवक्ता श्रेष्ठले जानकारी दिए।

ज्ञवालीले नेपालको सीमा समस्या र भारतसँग भएका विभिन्न सन्धि सम्झौताहरुलाई बैठकमा राखेका छन्। कालापानी र सुस्ता क्षेत्रको समस्यालाई विस्तृतमा प्रस्तुत गरेका थिए। उनले कुटनीतिक पहलबाटै समस्या समाधान हुने बताएका थिए।

नेपालले सीमा विवाद सल्टाउन भारतसँग छलफलको प्रस्ताव विभिन्न मितिमा अघि सारेको जानकारी मन्त्री ज्ञवालीले दिएका छन्। छलफलका लागि नोभेम्बर, डिसेम्बर र जनवरी मिति तोकेर पठाइए पनि भारतले त्यसको कुनै ठोस जवाफ नफर्काएको जानकारी उनले दिएका थिए।

बैठक शनिबार फेरि बस्ने गरी स्थगित गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्‍त्री ओलीका बुवा अस्पताल भर्ना, फोक्सोमा समस्या

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ