काठमाडौं- मनोरञ्जन क्षेत्रमा प्रतिभाभन्दा नातावाद हावी हुने गरेको बहसमा कलाकार तथा फिल्म निर्माता दीपकराज गिरीसमेत मिसिए। सामाजिक सञ्जालमा उनले व्यङ्ग्यात्मक रुपमा प्रस्तुत हुँदै लेखे‚ 'भारतमा जेपोटिज्मको कुरा उठ्नासाथ यता पनि सुरू गरे साथिहरूले‚ तर हामीकहाँ नेपोटिज्म होइन नेप्टोजम र चेप्टोजमको समस्या छ! गलत मान्छेहरू यही दाउरोमा भात पकाउछन्!'
भारतीय अभिनेता सुशान्तसिंह राजपुतले आत्महत्यासँगै भारतमा फिल्मी क्षेत्रमा कायम रहेको नातावाद बहसमा आएको थियो। बलिउडनगरीमा तीव्र नातावाद र परिवारवाद रहेको र यसकै कारण भिन्न समूदायबाट आउने सुशान्तजस्ता कलाकारलाई टिक्नै गाह्रो हुने प्रसंग चलेसँगै नेपाल फिल्म क्षेत्रमा समेत परिवारवाद र नातावाद हावी रहेको चर्चा शुरु भएको थियो।
गम्भीर विषयलाई हाँस्य शैलीमा प्रतिक्रिया दिने गिरीले यसमा पनि उही शैली अपनाउँदा ब्याकफायर भयो। उनको स्टाटसमा नकारात्मक प्रतिक्रियासँगै उनले समेत नातावादसँगै समूहवादलाई समेत प्रश्रय दिएको भन्दै आलोचना सुरु भयो। एकजनाले लेखे 'नेपोटिज्म होइन‚ दीपक राज गिरीले फिल्म बनाउन सुरू गरेदेखि ग्रुपिज्म चाहीँ सुरु गरे।आफ्नो टीमबाट कसैलाई पनि अरूको फिल्ममा खेल्न नदिने र आफ्नो टिममा कोही आए भने नियम लगाएर राख्ने प्रवृत्ति हावी भएको छ।'
आलोचना हुन थालेपछि उनले अलिक लामै प्रतिकृया लेखेर प्रष्टीकरण दिने प्रयास गरे।
उनले लेखे :
शुभप्रभात मित्रहरू....
केही सहमति केही असहमति दूवै प्रकारका कमेन्टहरूलाई स्वागत छ।
सबैभन्दा पहिलो कुरा त संसारका हरेक ठाउँमा भाइ भतिजावाद केही हदसम्म होला तर हाम्रो चलचित्र उद्योगमा छोरा छोरी होइन ट्यालेन्ट चल्छ... भारतमै पनि महान अमिताभ बच्चनका छोरा अभिशेक नै बेरोजगार छन्, ठूला कलाकारका छोरा छोरी हुँदैमा चल्दैनन्, केही विशेष गुण हुनैपर्छ।
यहाँ पनि एकाध कलाकारका सन्तान छन् तर नेपोटिज्मको समस्या खासै छैन... बरू केही हदसम्म समूहवाद होला.. त्यो संसारमै हुन्छ, हाम्रो पनि समूह छ तर हामी हरेक फिल्ममा नयाँ नयाँ हिरोइनहरूसँग, नयाँ नयाँ अभिनेताहरूसँग काम गरिरहेका छौं!
केही हदसम्म मैले उठाएको नेप्टोजम र चेप्टोजमको समस्या छ त्यसले गायन क्षेत्र, अभिनय क्षेत्रमा प्रवेश पाएको छ तर त्यति व्यापक रूपमा होइन बरू यो समस्या भोलि गएर खतरनाक हुन सक्ला, अहिलेलाई सामान्यमात्रै छ... केही गलत सोच भएका मान्छेहरूले मात्रै यसलाई पक्षपोषण गरिरहेका छन्... त्यसैले यो क्षेत्रमा कसैले आफूलाई कमजोर नठाने हुन्छ, कोही मै हुँ भन्नेले पनि ट्यालेन्ट र प्रतिभालाई रोक्न सक्दैन.. जसलाई त्यस्तो लाग्छ, संघर्ष जारी राख्नुस्, आफूलाई अन्याय भयो भने सेयर गर्नुस्, साथि भाइलाई भन्नुस्,.. ज़िन्दगी हो सानातिना संघर्ष त भइरहन्छ... गहिरोभन्दा गहिरो रातको पनि सूर्यको किरणलाइ रोक्ने साहस हुन्न
तपाइको ट्यालेन्ट त्यही सूर्यको किरण हो... शुभदिन!
तर उनको प्रष्टिकरणपछि पनि उनको आलोचना कम भने भएको छैन। प्रतिक्रिया आइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
