गण्डकी प्रदेशले कोरोना कोषलाई छुट्यायो ६० करोड

कोरोना अपडेट

नेपाल लाइभ सोमबार, असार १, २०७७ १७:४६

काठमाडौं– गण्डकी प्रदेशले ६० करोड ४० लाख कोरोना रोकथाम तथा नियन्त्रणका कोषका लागि छुट्याएको छ।

प्रदेशका आर्थिक मामिला तथा योजनामन्त्री किरण गुरुङले बजेट प्रस्तुत गर्दै पिसिआर परीक्षण तथा औषधी उपकरण खरिद तथा कोष स्थापनाका लागि सो रकम छुट्याएको बताएका हुन्।

सो रकममार्फत कोरोना को उपचार तथा नियन्त्रणलाई प्रभावकारी बनाइने योजनामन्त्री गुरुङले बताए। गुणस्तरीय क्वारेन्टाइनको निर्माण र संचालन, संक्रमितको उपचारका लागि विशेष अस्पताल र आइसोलेसन कक्षको स्थापना र सञ्चालन, सबै जिल्ला अस्पतालहरूमा शैय्या थप गरी सघन उपचार कक्ष स्थापना, पिसिआर परीक्षण, औषधि उपकरण खरिदका लागि सो कोषको रकम प्रयोग गरिने उनको भनाइ छ।

त्यस्तै महामारीले पारेको असरका आधारमा क्षेत्रगत पुनरोत्थानका लागि व्यवसाय जीवन रक्षा कोष स्थापना गर्न प्रदेशले १ अर्ब छुट्याएको छ। प्रदेशले सो कोषबाट कोरोना महामारीका कारण प्रभावित उद्योग व्यवसायलाई जोगाउन, टिकाउन र सुचारू गर्न विशेष कार्यक्रम सञ्चालन गर्ने व्यवस्था मिलाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्त्रीले शुक्रबार संसद्‌मा सम्बोधन गर्ने

कश्मिर घटनाबारे मोदी : पृथ्वीको छेउसम्म पुगेपनि अभियुक्तलाई पछ्याउनेछौ

स्वास्थ्यमन्त्री र चिकित्सकका प्रतिनिधिबीच वार्ता जारी