काठमाडौं- नेपाली कांग्रेसले न्युनतम एक सय कामदार नपठाए म्यानपावर व्यवसायीकाे इजाजत रद्द हुने प्रावधान हटाउन सरकारसँग माग गरेको छ। सरकारले लागू गरेको बाध्यकारी व्यवस्थाले ७५ प्रतिशत म्यानपावर व्यवसायीले नविकरण गर्न नसक्ने कांग्रेसले जनाएको छ।
‘वार्षिक १०० जना कामदार पठाउनुपर्नेजस्ता बाध्यात्मक व्यवस्थाले नेपालका करिब ७५ प्रतिशत वैदेशिक रोजगार व्यवसायीहरुको इजाजत पत्र नविकरण नहुने अवस्था सिर्जना भएको छ।’ नेपाली कांग्रेसका प्रमुख सचेतक बालकृष्ण खाँणले विज्ञप्ति जनाएका छन्। कोरोना महामारीले युवाहरू विदेश जाने क्रम रोकिएको र कामदारको माग समेत नआएकोले तोकिएको प्रावधान व्यवसायीले पुरा गर्न नसक्ने कांग्रेसले जनाएको छ।
कोभिड–१९ ले अन्य क्षेत्रजस्तै वैदेशिक रोजगार व्यवसायमा पनि गम्भीर प्रभाव परेको कांग्रेसले जनाएको छ। विषम परिस्थितिमा वैदेशिक रोजगारी व्यवसायीको इजाजत पत्र नविकरण गर्न सरकारसँग माग गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
