फाइल तस्बिर
काठमाडौं- प्रमुख प्रतिपक्षी दल नेपाली कांग्रेसले कोरोना भाइरस नियन्त्रणबारे छलफल गर्न आकस्मिक रूपमा केन्द्रीय समिति बैठक बोलाएको छ। सोमबार दिनको २ बजे पार्टी केन्द्रीय कार्यालय सानेपामा बैठक बस्ने तय भएको कांग्रेस प्रवक्ता विश्व प्रकाश शर्माले जानकारी दिए।
बैठकमा काेराेना भाइरस माहामारीबारे विशेष छलफल र निर्णय गरिने प्रवक्ता शर्माको भनाइ छ। कोरोना भाइरसको रोकथाम तथा नियन्त्रणका लागि सरकारले प्रभावकारी कदम चाल्न नसकेको भन्दै कांग्रेसले सरकारको गतिविधिको आलोचना गर्दै आएको छ।
कांग्रेसले विदेशमा रहेका नेपालीलाई सुरक्षित रुपमा घर फर्काउनुपर्ने, पिसिआर परीक्षणको दायरा बढाउनुपर्नेलगायतका माग राख्दै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_gdf6c1thm9_HDxLwnLSEf-1783479974.jpg)
-1764146706.png)
