काठमाडौं- पाल्पाको रैनादेवि छहरा गाउँपालिका- ७ का वडाध्यक्ष ३ लाख घुससहित पक्राउ परेका छन्। अख्तियारको टोलीले शनिबार वडाध्यक्ष देवेन्द्र पुनलाई घुस रकमसहित पक्राउ गरेको हो।
आयोग बुटवल कार्यालयले काठ लिलामीमा सहजीकरण गरिदिने भन्दै उपभोक्ताबाट रकम लिँदै गर्दा वडाध्यक्ष पुनलाई पक्राउ गरेको हो। सैनामैना–१० झिमझिमेमा उपभोक्ताबाट रकम लिँदै गर्दा उनलाई पक्राउ गरिएको हो। पुनले काठ लिलामीमा रकम लिने गरेको यसअघि पनि धेरै पटक उपभोक्तामार्फत गुनासो आएको थियो।
अभियुक्त पुनलाई थप अनुसन्धानका लागि नियन्त्रणमा लिएर बुटवल कार्यालयमा ल्याइएको र काठमाडौं पठाइने भएको छ। उनीविरुद्ध विशेष अदालतमा भ्रष्टाचार मुद्दा दायर हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
