काठमाडौं- अख्तियार दुरुपयोग अनुसन्धान आयोगले नापी कार्यालय रुपन्देहीका नापी अधिकृत सरोज श्रेष्ठसहित पाँच अधिकृतविरुद्ध भ्रष्टाचार मुद्दा दायर गरेको छ।
आयोगले उनीहरूविरुद्ध १७ लाख बिगो दाबी गर्दै विशेष अदालतमा मुद्दा दायर गरेको हो। अख्तियारले नापी कार्यालयका नापी अधिकृत श्रेष्ठ, सर्भेक्षक तिर्थराज भण्डारी, सर्भेक्षक थानेश्वर चौधरी, मालपोत कार्यालय भैरहवा, रुपन्देहीका ना.सु. धर्मराज पन्थी र भुसाल लेखापढी व्यवसायी भैरहवा रुपन्देहीका लेखापढी व्यवसायी जीवन शर्मालाई प्रतिवादी बनाएको छ।
सेवाग्राहीको जग्गाको कित्ताकाट र नामसारी गर्ने काममा सहजीकरण गरिदिने प्रयोजनका लागि सेवाग्राहीसँग उनीहरूले पटक पटक घुस लिएको अख्तियारको आरोपपत्रमा उल्लेख छ।
जग्गाधनी गंगादेवी पौडेलको नाउँमा कायम रहेको रुपन्देही साविक टिकुलीगढस्थित ११ कित्ता जग्गा कित्ताकाट गर्दा उनीहरूले पटक पटक घुस लिएको अख्तियारको आरोपपत्रमा उल्लेख छ। जग्गाहरूको राजीनामा प्रकृतिको कित्ताकाट र नामसारीको लागि कर्मचारीदेखि लेखनदाससम्मको मिलेमतो देखिएको अख्तियारको आरोपपत्रमा उल्लेख छ।
नापी कार्यालयका कर्मचारीले ५ लाख र १२ लाख गरेर दुई पटक घुस लिएको अख्तियारको आरोपपत्रमा उल्लेख छ। अख्तियारले उनीहरूलाई भ्रष्टाचार निवारण ऐनअनुसार कैद, जरिवाना र बिगो माग गर्दै भ्रष्टाचार मुद्दा दायर गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767836232.jpg){kind=logo}
-1768787902.png)
-1764146706.png)
