काठमाडौं- पछिल्लो २४ घन्टायता नेपालमा २२६ जनामा कोरोना संक्रमण भेटिएको छ। स्वास्थ्य तथा जनसंख्या मन्त्रालयले दिएको जानकारी अनुसार हालसम्म कोरोना संक्रमितको संख्या १७९८ पुगेको छ। हालसम्म १ हजार ६ सय ६७ जना पुरुषमा संक्रमण देखिएको छ भने महिलाको संख्या १३१ छ।
सोमबार २१३ जना पुरुष र १३ जना महिलामा कोरोना संक्रमण पुष्टि भएको मन्त्रालयका प्रवक्ता डा विकास देवकोटाले जानकारी दिएका हुन्।
उनका अनुसार विराटनगरको कोशी अस्तपालमा गरिएको परीक्षणमा झापाका २ जनामा कोरोना संक्रमण भेटिएको छ। छ। यसैगरुी पोखराको क्षेत्रीय प्रयोगशालामा गरिएको परीक्षणमा ३ जनामा कोरोना संक्रमण पुष्टि भएको छ। उनीहरू तीनै जना नवलपरासी पूर्वका हुन्।
कर्णाली स्वास्थ्य विज्ञान प्रतिष्ठानमा गरिएको परीक्षणमा दैलेखका २४ जनामा कोरोना संक्रमण पुष्टि भएको छ भने सोही प्रयोगशालामा जुम्लामा १९ जनामा पनि कोरोना संक्रमण पुष्टि भएको छ।
सुर्खेतका प्रयोगशालामा गरिएको प्रयोगशालामा दैलेखका १७, सल्यानका १० र सुर्खेतका ५ जना गरी ३२ जनामा कोरोना संक्रमण पुष्टि भएको छ। काभ्रेको धुलिखेल अस्पताल प्रयोगशालमा रौतहटका १८ र कपिलवस्तुका २ जनामा गरी २० जनामा कोरोना संक्रमण पुष्टि भएको छ।
बाँकेको भेरी अस्तपालमा परीक्षण गर्दा बाँकेका ७ जनामा यसको संक्रमण पुष्टि भएको छ। यसैगरी राप्ती स्वास्थ्य विज्ञान प्रतिष्ठानमा गरिएको परीक्षणमा ९ जनाको रिपोर्ट पोजेटिभ आएको छ। उनीहरू सबै दाङकै हुन्।
यस्तै राष्ट्रिय जनस्वास्थ्य प्रयोगशालमा गरिएको परीक्षणमा ९२ जनाको रिपोर्ट कोरोना पोजेटिभ आएको छ। उनीहरुमध्ये धनुषाका ७ कपिलवस्तुका ३८ जना छन्। यस्तै महोत्तरीका २, मकवानपुरका १, सर्लाहीका ३८, सिराहाका ५ र उदयपुरका १ जनामा समेत कोरोना पोजेटिभ आएको छ। यस्तै सेती अस्पतालमा गरिएको परीक्षणमा १८ जनामा कोरोना संक्रमण देखिएको छ। उनीहरु कैलालीका १४, अछामका १, बैतडीका १, डोटीका १ र कञ्चनपुरका १ जना छन्।
हालसम्म नेपालमा कोरोना संक्रमण भएका २ सय २१ जना उपचारपछि निको भएर घर फर्किएका छन्।
नेपालमा कोरोना संक्रमणका कारण ८ जनाको भने मृत्यु भइसकेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।