काठमाडौं- चालु आर्थिक वर्षको पहिलो ८ महिनामा सरकारले सरकारी तथा गैरसरकारी निकायलाई ६ अर्ब ८५ करोड रूपैयाँ कर छुट दिएको छ। अर्थ मन्त्रालयका अनुसार त्यस्ता निकायलाई २१ अर्ब ५९ करोड रूपैयाँ बराबरको वस्तु पैठारीमा यो छुट दिएको हो।
अर्थ मन्त्रालयले सार्वजनिक गरेको विवरणअनुसार नेपाली सेना मुख्यालयलाई १ अर्ब ८५ करोड रूपैयाँ छुट दिइएको छ। यसैगरी नेपाल विद्युत प्राधिकरणलाई १ अर्ब ६४ करोड रूपैयाँ बराबरको राजस्व छुट दिइएको छ। नेपाल आयल निगमले सरकारबाट १ अर्ब १९ करोड ९० लाख रूपैयाँ कर छुट दिइएको मन्त्रालयले सार्वजनिक गरेको विवरणमा उल्लेख छ।
सरकारले विभिन्न जलविद्युत आयोजना तथा गैरसरकारी संस्थालाई पनि कर छुट दिएको छ। यसैगरी विश्व खाद्य कार्यक्रमलाई करिब ३ करोड रूपैयाँ बराबरको राजस्व छुट दिइएको छ। युनाइटेड मिसन टु नेपाल ४ लाख १८ हजार १५२ रूपैयाँ कर छुट दिइएको छ।
यसैगरी विभिन्न स्थानीय तह, विभिन्न अस्पताल एवै विकास आयोजनालाई पनि यो छुट दिइएको छ। आर्थिक ऐन २०७६ को दफा १८ अनुसार मन्त्रालयले कर छुट दिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790922676.png)
-1786602170.png)
