काठमाडौं- शनिबार थप १६६ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा मन्त्रालयका प्रवक्ता डा विकास देवकोटाले उक्त जानकारी दिएका हुन्।
उनका अनुसार देशका विभिन्न स्थानमा प्रयोगशालामा गरिएको परीक्षणमा थप १६६ जनामा कोरोना संक्रमण भएको पुष्टि भएको हो।
योसहित नेपालमा कोरोना संक्रमित हुनेको संख्या १ हजार ५ सय ६७ जना पुगेको छ। हालसम्म नेपालमा कोरोना संक्रमण भएका २ सय २० जना उपचारपछि निको भएर घर फर्किएका छन्।
नेपालमा कोरोना संक्रमणका कारण ७ जनाको भने मृत्यु भइसहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
