काठमाडौं- सरकारले पोखरामा निर्माण भइरहेको पोखरा क्षेत्रीय अन्तर्राष्ट्रिय विमानस्थल निर्माणकार्य तोकिएकै सयममा सम्पन्न गर्ने लक्ष्य लिएको छ। विमानस्थलको निर्माण सम्पन्न गरिसक्ने समय सन् २०२१ को जुलाईसम्म रहेको छ। सरकारले पनि सन् २०२१ को जुलाईसम्ममा निर्माणको काम सम्पन्न गरी सञ्चालनको तयारी गर्ने बताएको हो।
सोहीअनुरुप अर्थमन्त्री डा युवराज खतिवडाले आगामी आर्थिक वर्ष २०७७/०७८ को बजेट प्रस्तुत गर्दै पोखरा क्षेत्रीय अन्तर्राष्ट्रिय विमानस्थलको कामलाई निरन्तरता दिँदै १० अर्ब ७५ अर्ब रुपैयाँ विनियोजन गरेका छन्। यो विमानस्थल निर्माणको काम चिनियाँ ठेकेदारले गर्दै आएका छन्।
पोखरा क्षेत्रीय अन्तर्राष्ट्रिय विमानस्थल निर्माण गरी पर्यटन उद्योगको प्रवर्द्धन गर्ने सरकारी लक्ष्य छ। सन् २०११ मा आयोजना सुरु भएता पनि नेपाल सरकार र चीन सरकारबीच २०१७ मार्चमा ऋण सम्झौता भई सन् २०२१ सम्म सम्पन्न गर्ने लक्ष्यसहित काम थालनी भएको थियो।
यो आयोजनाको कुल अनुमानित लागत २१ अर्ब ६० करोड रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
