काठमाडौं– सरकारले आगामी आर्थिक वर्ष २०७७/७८ को बजेट प्रस्तुत गर्दै भौतिक पूर्वधार तथा यातायात मन्त्रालयको कार्यक्रम सञ्चालनको लागि १ खर्ब ३८ अर्ब ८० करोड रुपैयाँ बिनियोजन गरेको छ।
जसमा सबैभन्दा बढी पूर्व पश्चिम रार्जमार्गलाई चार लेन बनाउन बढी रकम विनियोजन भएको छ।
सडक अनुसार बजेट
–पूर्वपश्चिम राजमार्गलाई आगामी ३ वर्षभित्र एसियाली राजमार्ग मापदण्ड अनुरुपको डेडिकेटेड चार लेनको सुरक्षित द्रुत सडक बनाउन १२ अर्ब २१ करोड
– पुष्पलाल राजमार्गको बाँकी काम गर्न ८ अर्ब २७ करोड
– हुलाकी राजमार्गको बाँकी काम सक्न ७ अर्ब १ करोड
– मेची, तमोर, कोशी, तामाकोशी, त्रिशुली, कालीगण्डकी, भेरी, कर्णाली, र महाकाली कोरिडोर आयोजना तथा राजमार्गको निमार्ण एवं स्तरोन्नतिको लागि ७ अर्ब १६ करोड
– बिपी राजगमार्ग, मिर्चैया–कटारी–घुर्मी–सल्लेरी सडक, राप्ती राजमार्ग, कर्णाली राजमार्ग, सुर्खेत–जुम्ला खन्ड, सुर्खेत–दैलेख,नाग्मा–गमगढी–नाक्चेनाग्ला, घोराही–थवाङ–मुसिकोट सहिद मार्ग, डुम्रे–बेसीसहर–चामे सडक सधार तथा स्तरोन्नतिका लागि आवश्यक रकम
– कर्णाली करिडोरका लागि ५ अर्ब ५७ करोड रुपैयाँ
– प्रत्येक निर्वाचन क्षेत्रका एकभन्दा बढी स्थानीय तह जोडन निर्वाचन क्षेत्र रणनीतिक सडकका लागि ३ अर्ब ३० करोड
– तराई मधेस समृद्धिसँग जोडिएको सडक पूर्वाधार विकासमा २ अर्ब २६ करोड
– काठमाडौं–निजगढ द्रुत मार्गका लागि ८ अर्ब ९३ करोड
–दक्षिण सीमाका प्रमुख व्यापारिक नाकाहरु र पूर्व पश्चिम राजमार्ग जोड्ने सडकलाई औद्योगिक कोरिडोर तथा व्यापारिकको रुपमा स्तरोन्नति गर्न १ अर्ब ९६ करोड
–सूर्य विनायक–धुलिखेल खण्डको स्तरोन्नति गर्न र कान्ति राजपथ निर्माणको काम पूरा गर्न १ अर्ब २० करोड
–दोस्रो चरणको चक्रपथ विस्तार र कलंकी–कोटेश्वर सडक खन्डमा फ्लाइओभर बनाउन आवश्यक बजेट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
