काठमाडौँ- कर्णाली प्रदेश सरकारले कोरोना भाइरसको संक्रमण तीव्र रूपमा फैलिएको भन्दै यसलाई रोकथाम गर्न हिँडडुलमा प्रतिबन्ध गर्न सेना परिचालनको अनुमति माग गरेको छ। बुधबार प्रदेश सरकारले संघीय सरकारसँग यस्तो अनुमति माग गरेको हो।
भारतबाट ठूलो संख्यामा नेपालीहरु फर्किएकाले कोरोना भाइरसबाट महामारी फैलिन सक्ने भएकाले संघीय सरकारलाई सेना परिचालन स्वीकृतिका लागि अनुमति मागेको हो।
नेपाल प्रहरी, सशस्त्र प्रहरीले मात्रै उद्धार र क्वारेन्टाईनमा व्यवस्थापन गर्न र हिँडडुल नियन्त्रणमा लिन नपुग्ने भएकाले कर्णाली प्रदेश मन्त्रिपरिषद बैठकले सेना परिचालनको अनुमति मागेको हो।
सरकारले पछिल्लो समय नेपाल-भारत सीमा अलपत्र नेपाललाई स्वदेश आउन दिने निर्णय गरेपछि थप कोरोना संक्रमण फैलिन सक्ने भन्दै कर्णाली प्रदेश सरकार सजगता अपनाएको बताएको छ। हाल कर्णालीका ८० हजार नागरिक भारतमा रहेको र ३० हजार फर्किन सक्ने प्रदेश सरकारको अनुमान छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
