काठमाडौं- प्रादेशिक अस्पताल जनकपुरको आइसोलेसन वार्डबाटै फरार भएका कोरोना भाइरस (कोभिड–१९) संक्रमित व्यक्ति सर्लाहीमा भेटिएका छन्।
सर्लाहीमा भेटिएको भन्ने जानकारी आएको प्रदेश- २ का डिआइजी धिरज प्रताप सिंहले जानकारी दिए। ४५ वर्षीय कोरोना संक्रमित उनको घर पनि सर्लाही नै हो। उनी घर नजिकै भेटिएको प्रहरीले जनाएको छ।
जाँच गर्दा कोरोना संक्रमण पुष्टि भएपछि उनको प्रादेशिक अस्पतालमा भर्ना गरेर उपचार गरिएको थियो। कोरोना संक्रमितको मनिटर गर्न राखेको सिसी टिभी समेत फुटाएर झ्याल फोडेर उनी शनिबार राति फरार भएका थिए।
फरार भएका व्यक्तिको मानसिक सन्तुलन समेत ठीक नभएको पाइएको छ।
यसअघि पनि नारायणी अस्पताल पर्सामा उपचाररत दुई जना कोरोना संक्रमित व्यक्ति फरार भएका थिए। उनीहरूलाई प्रहरीले पक्राउ गरेर पुनः अस्पताल पुर्याएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
