काठमाडौं- सभामुख अग्निप्रसाद सापकोटाले ईद पर्व मनाउने क्रममा स्वास्थ्य सतर्कता अपनाउन सबैमा आग्रह गरेका छन्।
ईदको अवसरमा शुभकामना सन्देश दिँदै सभामुख सापकोटाले कोरोना भाइरसले अप्ठ्यारो अवस्था सिर्जना गरेको भन्दै घरमै बसेर मनाउन आग्रह गरेका छन्। ‘कोरोना भाइरसको यो स्थितिलाई मध्यनजर गरी घरमै बसेर मनाउने निर्णय भएकोमा खुशी व्यक्त गर्दछु’, सापकोटाले सन्देशमा भनेका छन्, ‘परिस्थिति प्रतिकूल रहेकोले पर्व मनाउने क्रममा स्वास्थ्य सतर्कता अपनाउनु हुन सबैमा आग्रह पनि गर्दछु।’
ईद पर्वले आपसी सद्भाव, सहिष्णुता र भाइचाराको सन्देश दिने पनि उनले उल्लेख गरेका छन्। नेपालमा मनाइने यस्ता पर्वले एकता र आपसी सद्भाव बढोत्तरी हुने विश्वास सभामुख सापकोटाको छ।
यसैगरी राष्ट्रियसभा अध्यक्ष गणेशप्रसाद तिमल्सिनाले ईदको अवसरमा शुभकामना सन्देश दिँदै नेपाली जनसमुदायमा आपसी भ्रातृत्व, मित्रता, सामाजिक सद्भाव र एकता कायम गर्ने विश्वास व्यक्त गरेका छन्। उनले सरकारको आग्रहलाई पालना गरी दूरी कायम गर्दै पर्व मनाउन सबैलाई आग्रह गरेका छन्।
कोरोना भाइरसको महामारीबाट सम्पूर्ण नेपाली जनता तथा विश्व मानव जातिलाई कसरी जोगाउने भन्नेमा हामी सबै एकजुट हुनुपर्नेमा जोड दिँदै उनले रोगका कारण दिवङ्गतप्रति श्रद्धाञ्जलिका साथ संक्रमितको शीघ्र स्वास्थ्यलाभको कामनासमेत गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
