प्रतीकात्मक फोटो
काठमाडौं- एक प्रहरी ब्यारेकमै मृत फेला परेका छन्। महानगरीय प्रहरी वृत्त स्वयम्भूमा कार्यरत विष्णुबहादुर कार्की आइतबार बिहान मृत फेला परेका हुन्।
वृत्त स्वयम्भुले पनि प्रारम्भिक अनुसन्धानको क्रममा आत्महत्या गरेको देखिएको जनाएको छ।
महानगरीय प्रहरी परिसर काठमाडौंका प्रवक्ता राजकुमार केसीका अनुसार स्वयम्भू वृत्त मातहतको हल्चोक बिटमा कार्यरत रहेका कार्की बिहान अबेरसम्म नउठेपछि उनका सहकर्मीले झ्यालबाट हेर्दा टाउकामा रगत आएको अवस्था पल्टिरहेको देखेका थिए।
त्यसपछि ढोकाको चुकुल फोडेर प्रहरी भित्र प्रवेश गरेको थियो। उनको कन्चटमा गोली लागेको जस्तो देखिएको केसीको भनाई छ।
फरेन्सिक विज्ञसहितको टोली अहिले घटनास्थल गएर घटनाको अध्ययन गरिरहेको छ। ढोका लगाएको अवस्थामा मृत भेटिएकाले आत्महत्या गरेको हुनसक्ने प्रहरीको आशंका छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
