इजरायलको कृषि क्षेत्रमा काम गर्दै नेपालीहरू।
काठमाडौं- नेपाल-इजरायल चेम्बर अफ कर्मस एन्ड इन्डष्ट्रिज (एनआईसिसिआई) र इजरायल एसिया चेम्बर अफ कर्मस (आएसिसी)बिच आर्थिक सहकार्य विस्तारका लागि सम्झौता भएको छ।
सम्झौतामा एनआईसीसीआइका तफबाट अध्यक्ष शिशिर भट्ट र आईएनसीसी तर्फबाट उपाअध्यक्ष अनात बर्नस्टेन रेचले हस्ताक्षर गरेका हुन्। इजरायल एसिया चेम्बर अफ कर्मसअन्तर्गत इजरायल नेपाल चेम्बर अफ कर्मसको अध्यक्षता अनात बर्नस्टेन रेचले गर्छन्।
एनआईसिसिआई र आईएसिसीबीच लगानी, उद्योग, यातायात, पर्यटन, प्रविधिको हस्तान्तरण, कृषि, ऊर्जा, शिक्षा र पूर्वाधार लगायतका विभिन्न आर्थिक सहकार्य वृद्धि गर्न सम्झौता भएको हो। इजरायलस्थित नेपाली राजदूत डा. अन्जान शाक्यको समन्वयमा सो सम्झौता भएको हो।
दुई संस्थाबीच सम्पन्न सम्झौताका लागि शुभकामना व्यक्त गर्दै राजदूत डा शाक्यले दुई देशको आर्थिक विकासका सहकार्य गर्न अझ सहज भएको बताए। शाक्यले नेपाल र इजरायलका महिला उद्यमीको सशक्तिकरणमा काम गर्नु पर्ने कुरामा समेत जोड दिए।
र्भचुअल संवाद गदै नेपाल इजरायल चेम्बर अफ कर्मसका अध्यक्ष शिशिर भट्टले नेपाल र इजरायलबीच ६० वर्ष अघि शुरु भएको कुटनीतिक सम्बन्धको स्मरण गर्दै सम्झौताले दुई देशबीच व्यापारिक तवरमा यातायात, कृषि, पूर्वाधार, जलविद्युत, शिक्षालगायतका क्षेत्रमा द्विपक्षीय सहयोग आदानप्रदान हुने थप सहज हुने विश्वास व्यक्त गरे। अध्यक्ष भट्टले नेपालको विविध प्रकारको मौसमी अनुकुलताका कारण कृषि उत्पादनको राम्रो सम्भावना रहेको बताउँदै इजरायलका कम्पनीसँगको सहकार्यमा नेपाली कृषि उपजलाई विश्वबजारमा पुर्याउन सकिने बताएका थिए।
सो अवसरमा इजरायल एशिया चेम्बर अफ कर्मसका अध्यक्ष माथन भिलनाइले दुई संस्थाबीचको सम्झौताले एक अर्काको सहयोगका लागि महत्वपूर्ण भूमिका खेल्ने बताए।
इजायल नेपाल चेम्बर अफ कर्मसका अध्यक्ष अनात बर्नस्टेन रेचले नेपालको वित्तीय क्षेत्रमा सहकार्य गर्न पाएकोमा खशी व्याक्त गदै आफ्नो तर्फबाट आवश्यक सहयोग गर्ने प्रतिबद्धता गरे।
नेपालका लागि इजरायली राजदूत बेनी ओमेरले २ संस्थाबीचको सम्झौतामा खुशी व्याक्त गर्दै नेपाल र इजरायलको आर्थिक विकासमा थप सहयोग आदानप्रदान हुने थप आधार भएको बताए। नेपाली टोली केही महिना अघि सम्झौतामा हस्ताक्षर गर्न इजरायल जानुपर्ने तालिका भएपनि कोरोना संकटका कारण जान सकेको थिएन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
