काठमाडौं- नेपालमा कोरोना संक्रमण पुष्टि हुनेको संख्या ५ सय ४८ पुगेको छ। शनिवार (आज) बिहान मात्रै थप ३२ जनामा संक्रमण पुष्टि भएको हो।
कोरोनाकै कारण नेपालमा ३ जनाले ज्यान गुमाइसकेका छन्। ७० जना भने संक्रमणमुक्त भएका छन्।
हालसम्म ४० जिल्लामा कोरोना संक्रमण पुष्टि भइसकेको छ। साथै, सातै प्रदेशमा संक्रमण देखिइसकेको छ।
सरकारले पिसिआर परीक्षणको दायर भने बढाउन नसकेको भन्दै आलोचना भइरहेको छ। हालसम्म ४२ हजार ५ सय ५८ को पिसिआर परीक्षण गरिएको स्वास्थ्य तथा जनसंख्या मन्त्रालयको वेबसाइटमा उल्लेख छ। तर, परीक्षणमा विश्वसनीय मानिएको आरडिटी परीक्षणको संख्या पनि पिसिआर परीक्षणको भन्दा दोब्बर रहेको छ। अर्थात् ८२ हजार १ सय १६ छ।
आरडिटी परीक्षणको रिपोर्ट भने सार्वजनिक गरिएको छैन। तर, पिसिआर परीक्षण गरिएको ४२ हजार ५ सय ५८ मध्ये ४२ हजार १० मा कोरोना संक्रमण देखिएको छैन भने ५ सय ४८ मा कोराना पुष्टि भएको छ।
यसैगरी मन्त्रालयका अनुसार २७ हजार ८ सय २९ जना क्वारेन्टाइनमा रहेका छन् भने ४ सय ३४ जना आइसोलेसनमा छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।