कराची विमानस्थल नजिक बस्तीमा दुर्घटना भएको विमानमा भएको आगलागी नियन्त्रणमा लिँदै अग्नि नियन्त्रकहरू। तस्बिर : एपी
कराची- पाकिस्तानको कराचीमा शुक्रबार एक यात्रुबाहक विमान दुर्घटना भएको छ। पाकिस्तानको राष्ट्रिय एयरलाइन्स कम्पनी पीआईएको विमान कराची विमानस्थलमा अवतरण गर्ने तयारीमा रहेका बेला दुर्घटना भएको हो। स्थानीय अधिकारीका अनुसार उक्त विमानमा ९८ जना यात्रु सवार थिए। विमानमा ९० जना यात्रु र आठ चालकदलका सदस्य थिए।
कराची विमानस्थलमा अवतरण हुनै लाग्दा विमान दुर्घटनामा परेको थियो। विमानस्थल नजिकैको बस्तीमा एक्कासी कालो धुवाँ निस्किएपछि विमान दुर्घटनामा परेको अनुमान गरियो। पाकिस्तान इन्टरनेसनल एयरलाइन्सको यो विमान एयरबस ए-३२० पिके ८३०३ ले दिउँसो १ बजे लाहोरबाट कराँची विमानस्थलका लागि उडान भरेको थियो।
शुक्रबार कराची विमानस्थल नजिक दुर्घटना भएको पिआइए जहाजको भग्नावशेष। तस्बिर : डाउन टिभी भिडियो फुटेजको स्क्रिनसट
विमान रिहाइशी क्षेत्रको मोडल कोलनीमा खसेको बताइएको छ। यो विमानस्थल नजिकैको क्षेत्र हो। विमान मानव बस्तीमा दुर्घटना भएको स्थानीय संचारमाध्यमले जनाएका छन्। क्षतिको विवरण प्राप्त हुन सकेको छैन।
पाकिस्तानी सञ्चारमाध्यम डाउनले पाकिस्तानमा भएका ठूला १८ दुर्घटनाको टाइमलाइन प्रकाशन गरेको छ। सोही सामग्रीबाट हामीले भावानुवाद गरी यो सामग्री तयार गरेका छौं।
टाइमलाइनमा हेरौं पाकिस्तानका १८ विमान दुर्घटना:
१) मे २०, १९६५
पाकिस्तान इन्टरनेसनल एयरलाइन्स(पिआइए)को बोइङ ७०७ दुर्घटना।
स्थान : कारिगो विमानस्थल
क्षति : १२४ जनाले ज्यान गुमाएका
२) अगस्ट ६, १९७०
पिआइए फोर्कर एफ-२७ एयरक्राफ्ट दुर्घटना
स्थान : इस्लामावाद विमानस्थल
क्षति : ३० जनाको ज्यान गयो
३) डिसेम्बर ८, १९७२
पिआइए फोर्कर २७ राहुलपिन्डी इस्लामावाद नजिकै दुर्घटना
क्षति : २६ जनाको मृत्यु।
४) नोभेम्बर २६, १९७९
पिआईए बोइङ-७०७ पाकिस्तानी हजयात्रु ल्याउँदा साउदी अरबको जोधा विमानस्थलमा दुर्घटना
क्षति : १५६ जना हजयात्रीको मृत्यु
५) अक्टुबर २३, १९८६
पिआइए फोर्कर एफ-२७ पेसावरमा दुर्घटना
क्षति : १३ जनाको मृत्यु
६) अगस्ट १७, १९८८
अमेरिकामा बनेको आर्मीको एयरक्राफ्ट दुर्घटना
स्थान : वहवालापुर
क्षति : पाकिस्तानी सेनाका उच्च अफिसर रुलर जेनेरल मोहम्मद जियउल हक र अमेरिकी राजदूतसहित ३० जनाको मृत्यु
७) अगष्ट २५, १९८९
पिआइए फोर्कर विमान उत्तर पाकिस्तानमा हराएको
क्षति : ५४ जना सवार सो विमान हालसम्म नभेटिएको
८) सेम्टेम्बर २८, १९९२
पिआइए एयरबस ए-३०० नेपालमा दुर्घटना
क्षति : १६७ जनाको मृत्यु
९) फेब्रुअरी १९, २००३
फोर्करको एयरफोर्स एफ-२७ मा दुर्घटना
स्थान : हिमालयन क्षेत्रको नर्थ वेस्टर्नको कोहात।
क्षति : एयरफोर्ट प्रमुख मार्शल मुस्साफ अली, उनकी श्रीमती र अन्य १५ जनाको मृत्यु
१०) फेब्रुअरी २४, २००३
कराचीको अरवियन समुन्द्र नजिक चार्टर विमान दुर्घटना।
क्षति : अफगानिस्तानका उद्योगमन्त्री मोहमद मोहमदी, चार अफगानी अधिकारी, दुई जना क्रू मेम्बर र एक चीनियाँ नागरिकको मृत्यु
११) जुलाई १०, २००६
पिआइए फोर्कर एफ-२७ लाहोरमा दुर्घटना।
क्षति : ४१ जना यात्रुको मृत्यु
१२) जुलाई २८, २०१०
एयरबस-३२१ कराचीमा दुर्घटना।
क्षति : १५२ जनाको मृत्यु
१३) नोभेम्बर ५, २०१०
टुइन इन्जिन प्लेन जे एस एयर इटालियन तेल कम्पनीका कर्मचारी ओसार्ने क्रममा कराचीमा दुर्घटना
क्षति : २१ जनाको मृत्यु
१४) नोभेम्बर २८, २०१०
रुसमा बनेको आइएल-७६ कार्गो प्लेन दुर्घटना
स्थान : कराची
क्षति : १२ जनाको मृत्यु
१५) अप्रिल २०, २०१२
भोजा एयरबस-७३७ इस्लामावादमा दुर्घटना
क्षति : १२१ जनाको मृत्यु (६ जना चालकदल सदस्यसहित)
१६) मे ८, २०१५
पाकिस्तानको आर्मी हेलिकप्टर दुर्घटना
क्षति : ८ जनाको मृत्यु
१७) डिसेम्बर ७, २०१६
पिआइए एआरटी-४२ एयरक्राफ्ट इस्लामावादमा दुर्घटना
क्षति : ४८ यात्रुको मृत्यु
१८) मे २२, २०२०
पिआइएको विमान कराची विमानस्थल नजिक दुर्घटना
सवार : ९८ जना। क्षतिको विवरण प्राप्त हुन बाँकी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1779545841.jpg)
