काठमाडौं– पूर्व राज्यमन्त्री दुर्योधनसिंह चौधरीको निधन भएको छ। ७० वर्षीय चौधरीको बुटवलस्थित गौतम बुद्ध सामुदायिक मुट अस्पतालमा उपचारका क्रममा शुक्रबार निधन भएको हो।
नेपाली कांग्रेस रुपन्देहीका नेतासमेत रहेका चौधरीले २०४८, २०५१ र २०५६ को आमनिर्वाचनमा रुपन्देही-१ बाट निर्वाचित भएका थिए। उनी स्थानीय विकास राज्यमन्त्री, आपूर्ति सहायक मन्त्री र महिला तथा समाज कल्याण सहायकमन्त्री समेत भएका थिए।
२०२८ सालमा भारतको बनारसबाट राजनीतिक जीवनयात्रा प्रारम्भ गरेका चौधरीले लोकतान्त्रिक आन्दोलनमा सक्रिय भूमिका निर्वाह गरेको कांग्रेसले जनाएको छ। चौधरीका दुई श्रीमती, तीन छोरा र एक छोरी छन्।
चौधरीले पार्टी संगठन र नेपालको लोकतान्त्रिक आन्दोलनहरुमा सक्रिय भूमिका निर्वाह गरेको पार्टी सभापति शेरबहादुर देउवाले शोक वक्तव्यमार्फत् स्मरण गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
