एजेन्सी- पाकिस्तानी प्रधानमन्त्री इमरान खानले कराचीमा भएको विमान दुर्घटनाबाट प्रभावित परिवारलाई सान्त्वना दिँदै दुर्घटनाको अनुसन्धान तत्काल थाल्न निर्देशन दिएका छन्।
दुर्घटनाको खवरले स्तब्ध बनाएको भन्दै खानले आफ्नो ट्वीटर अकाउन्टमा लेखेका छन्‚ ‘पाकिस्तान इन्टरनेशनल एयरलाइन्सको विमान दुर्घटनाको खवरले स्तब्ध छु। म निरन्तर रूपमा पिआइएका सिइओ अरशद मलिकको सम्पर्कमा छु‚ जो कराचीका लागि निस्किसकेका छन्। म घटनास्थलमा खटिएका राहतकर्मीहरूसँग सम्पर्कमा छु। यो दुर्घटनाको अनुसन्धान तत्काल थाल्न निर्देशन दिइन्छ। मृतकको परिवारमा मेरो हार्दिक श्रद्धाञ्जली।’
शुक्रबार पाकिस्तान इन्टरनेशनल एयरलाइन्सको विमान पाकिस्तानको कराची विमानस्थल नजिकै पादुर्घटनाग्रस्त भएको थियो‚ जसमा ८ जना चालकदलका सदस्यसहित ९९ जना सवार रहेको खुलेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
