निर्माणाधीन पोखरा क्षेत्रीय अन्तर्राष्ट्रिय विमानस्थल। विमानस्थल निर्माणमा नेपाली सिमेन्ट नै प्रयोग गरी काम हुन थालेको छ। तस्बिर : नेपाल लाइभ अर्काइभ।
काठमाडौं– सरकारले नेपालमा पहिलो पटक ४३ र ५३ ग्रेडको ओपीसी (पोर्टल्यान्ड) सिमेन्ट उत्पादनको मापदण्ड कार्यन्वयनमा ल्याएको छ। नेपाल गुणस्तर तथा नापतौल विभागले गत माघमा स्वीकृत गरेको ४३ र ५३ ग्रेडको ओपिसी सिमेन्टको नेपाल गुणस्तर मापदण्ड राजपत्रमा प्रकाशित भएसँगै कार्यन्वयमा आएको बताएको छ।
‘ठूला पूर्वाधाको निमार्णमा ५३ र ४३ ग्रेडको सिमेन्ट आवश्यक हुने भएकाले विदेशबाट आयात गनुपर्ने अवस्था थियो,’ विभागमा महानिर्देशक विश्वबाबु पुडासैनीले भने, ‘अब नेपालमै ४३ र ५३ ग्रेडको नेपाल गुणस्तर पालना गरी सिमेन्ट उत्पादन हुनेछ।’ ४३ र ५३ ग्रेडको पोर्टल्यान्ड सिमेन्टको नेपाल गुणस्तर निर्धारण र उत्पादनको विषयमा नेपाल गुणस्तर परिषदको १०२औं बैठकबाट अनुमोदन भएको थियो। परिषदमा वाणिज्य, आपूर्ति तथा उद्योगमन्त्री लेखराज भट्टसमेत रहन्छन्।
विभागले भदौमा नै ४३ र ५३ ग्रेडको पोर्टल्यान्ड सिमेन्टको मापदण्ड कार्यान्वयनमा ल्याउने तयारी गरेको थियो। तर, उक्त विषय विरोध भएसँगै पुनः केही संसोधन गरेर ४३ र ५३ ग्रेडको ओपिसी पोर्टल्यान्ड सिमेन्टको नेपाल गुणस्तर राजपत्रमा प्रकाशित भएको हो। सरकारले वैशाख २९ गते राजपत्रमा सूचना प्रकाशित गर्दै साधरण पोर्टल्यान्ड सिमेन्ट ४३ र ५३ ग्रेटका लागि नेपाल गुणस्तर ५७२ः२०७६ रहने जनाएको छ।
योसँगै अब ओपिसी सिमेन्ट ४३ र ५३ ग्रेडमा पनि उत्पादन हुनेछन्। तर, ३३ ग्रेडको पनि उत्पादन हुने छ। ४३ ग्रेड र ५३ ग्रेडको सिमेन्टमा आइआरको मापन २ र म्यानिसियम अक्साइडको मापन ४ प्रतिशतभन्दा बढी हुन नहुने उल्लेख गरिएको छ। नेपालमै ४३ र ५३ ग्रेडको ओपीसी सिमेन्ट उत्पादन पनि ठूला पूर्वाधार निर्माणमा प्रयोग हुने ५३ ग्रेडको विदेशी सिमेन्टको ठाउँमा पनि नेपाली सिमेन्ट प्रयोग हुने विश्वास लिइएको छ। उदाहरणका लागि पोखरा क्षेत्रीय अन्तर्राष्ट्रिय विमानस्थल निर्माणमा नेपालमै ५३ ग्रेडको सिमेन्ट उत्पादन नहुने हुँदा भारतबाट सिमेन्ट ल्याएर प्रयोग गरिएको थियो।
नेपालमा ४३ र ५३ ग्रेडका सिमेन्ट उत्पादन हुन थालेपछि नेपालमा ठूला पूर्वाधार निर्माणमा प्रयोग हुँदै आएको विदेशी सिमेन्टको प्रयोग विस्थापित हुने विश्वास गरिएको विभागका महानिर्देशक पुडासैनीले बताए।
यस्तो छ ४३ र ५३ ग्रेडको सिमेन्ट मापदण्ड
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788999215.webp)
-1786602170.png)
