काठमाडौं- आफू सशस्त्र प्रहरी बलको डिएसपी भएको बताउँदैे ठगी गर्ने एक व्यक्ति पक्राउ परेका छन्।
पक्राउ पर्नेमा काठमाडौं तारकेश्वर नगरपालिका- ३ बालाजुका ४५ वर्षीय राजकुमार चाँपागाईं रहेका छन्। उनलाई महानगरीय प्रहरी अपराध महाशाखाको टोलीले पेप्सीकोलाबाट पक्राउ गरेको हो।
उनले आफू सशस्त्रको डिएसपी भएको नक्कली परिचय देखाउँदै प्रलोभनमा पारेर स्वास्थ्य मन्त्रालयको खरिदार, रिसेप्सनिस्ट, लेखापालमा जागिर लगाइदिन्छुु भन्दै ठगी गरेको महाशाखाले जनाएको छ।
उनले एक व्यक्तिबाट १ लाख ८५ हजार रुपैयाँ लिएर खरिदारको जागिर भनेर नक्कली परिचय पत्र समेत दिएको पाइएको महाशाखाका एसएसपी दीपक थापाले जानकारी दिए।
जागिर लगाइदिन्छु भनेर सम्झना केसी भट्टराईसँग १ लाख २० हजार रुपैयाँ लिँदै गर्दा उनी पेप्सीकोलाबाट पक्राउ परेका हुन्।
पक्राउ परेका उनलाई कारबाहीका लागि महानगरीय प्रहरी परिसर काठमाडौं पठाइएको छ। उनी जग्गाको कारोबार गर्ने व्यक्ति भएको अनुसन्धानबाट खुलेको छ।
यसअघि उनी २०७२ असार २४ गते निलिमा महर्जन र आकृति डंगोलसँग ४ लाख रुपैयाँ ठगी गरेको कसुरमा ४ वर्ष कैद बसेर छुटेको पाइएको छ।
आफू विभिन्न उच्च पदस्थ अधिकारीको पिए रहेको बताउँदै कारागार तथा सिडिओ कार्यालयहरुमा फोन गर्दै कैदीलाई रिहा गर्न समेत आदेश दिने गरेको अनुसन्धानबाट खुलेको छ।
यसैगरी खोटाङ ऐसेलुखर्क बाकाचौलाकी मुना पाण्डेलाई जागिर लगाइदिन्छु भनेर २ लाख समेत लिएको पाइएको छ। आर्मी स्कूलमा बच्चा भर्ना गराइदिन्छुदेखि सवारी चालक अनुमति पत्र लाइसेन्स समेत बनाइदिन्छु भन्दै उनले ठगी गर्ने गरेको प्रहरीले जनाएको छ।
पक्राउ परेका चापागाँईको साथबाट प्रहरीले डिएसपीको नक्कली परिचय पत्र, खरिदारको नक्कली परिचलपत्र २ थान, बा ९० प ९५५५ नम्बरको स्कुटर १ थान, नोकिया मोबाइल १ थान, सिमकार्ड ३ थान, विभिन्न व्यक्तिहरुको पासपोर्ट साइजको फोटो १० थान र १ लाख २० हजार नगद बरामद गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1765448306.png)
-1764146706.png)
-1763721444.png)
-1765273665.jpg)
