काठमाडौं- नेपाली कांग्रेसका नेता गगन थापाले लिम्पियाधुरा‚ लिपुलेक र कालापानी नेपालको क्षेत्र भएकाले नेपालको निर्णय क्षमतामाथि अनावश्यक प्रश्न नगर्न चेतावनी दिएका छन्।
बिहीबार भारतीय प्राध्यापक डा शुकदेव मुनीको एक ट्वीटलाई कोट गर्दै थापाले लिम्पियाधुरा‚ लिपुलेक र कालापानी नेपालको हो र यसमा आफूले शसक्त रूपमा सरकारको साथ दिने प्रतिवद्धतासमेत व्यक्त गरे।
‘लिम्पियाधुरा‚ लिपुलेक र कालापनी नेपालको क्षेत्रभित्र पर्छ भन्ने कुरामा प्रष्ट हुनुहोस्‚’ एसडी मुनीको ट्वीटको जवाफ दिँदै थापाले भनेको छन्‚ ‘यो विषयमा हामी शसक्त रूपमा सरकारको पक्षमा उभिनेछौं।’
बिहीबारै एक ट्वीट गर्दै‚ ‘प्रधानमन्त्री ओलीले भारतलाई खिल्ली उडाउँदै ‘इन्डियन भाइरस’ भन्दै गर्दा उनले ठूलो गल्ती गरेका छन्‚’ मुनीले उल्लेख गरेका थिए‚ ‘यो चाइनिज भाइरस हो। आशा छ उनले चिनियाँ प्रतिक्रियाबाट राजनीतिक स्वार्थपूर्तिका लागि एकपक्षीय रूपमा बिनासर्वेक्षण नक्सा जारी गर्दा त्यस्तो नक्सा त्याज्य हुने रहेछ भन्ने जानिसकेका छन्।’
यही ट्वीटलाई कोट गर्दै थापाले भनेका छन्‚ ‘हाम्रा प्रधानमन्त्रीद्वारा भाइरससम्बन्धी दिइएको अवैज्ञानिक मन्तव्यलाई हामी पनि अस्वीकार गर्छौं। तर लिम्पियाधुरा‚ लिपुलेक र कालापानी नेपालको क्षेत्र हो‚ यसमा प्रष्ट हुनुहोस्। र हामी यस विषयमा शसक्त रूपमा सरकारको पक्षमा उभिनेछौं’ उनले नेपालको निर्णय क्षमतामाथि अनावश्यक प्रश्न नउठाउन भन्दै मुनीलाई यस विषयमा आफू सरकारको साथ रहने बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
