काठमाडौं- विश्वभर कोरोना संक्रमितको संख्या ५० लाख नाघेको छ। जोन हप्किन्स विश्वविद्यालयले प्रकाशित गरेको पछिल्लो तथ्यांक अनुसार कुल संक्रमितको संख्या ५० लाख ५ सय ६१ पुगेको छ।
संक्रमितको संख्या अमेरिकामा सर्वाधिक छ। त्यहाँ १५ लाख ५१ हजार ८ सय ५३ जनामा संक्रमण पुष्टि भएको छ। त्यस्तै रुसमा ३ लाख ८ हजार ७ सय ५, ब्राजिलमा २ लाख ९१ हजार ५ सय ७९, बेलायतमा २ लाख ४९ हजार ६ सय १९, स्पेनमा २ लाख ३२ हजार ५ सय ५५, इटालीमा २ लाख २७ हजार ३ सय ६४ जनामा संक्रमण पुष्टि भएको छ।
छिमेकी देश भारतमा संक्रमितको संख्या १ लाख १२ हजार ४ सय ४२ पुगेको छ। विश्वभर बढी संक्रमण देखिएका देशको सूचीमा भारत ११ औं स्थानमा छ।
विश्वभर ३ लाख २८ हजार १ सय ७२ जनाको संक्रमणपछि मृत्यु भएको छ। मृत्यु हुनेको संख्या पनि अमेरिकामा नै सर्वाधिक छ। त्यहाँ ९३ हजार ४ सय ३९ जनाको मृत्यु भइसकेको छ।
त्यस्तै, बेलायतमा ३५ हजार ७ सय ८६, इटालीमा ३२ हजार ३ सय ३०, फ्रान्समा २८ हजार १ सय ३५, स्पेनमा २७ हजार ८ सय ८८, ब्राजिलमा १८ हजार ८ सय ५९ जनाको मृत्यु भइसकेको छ।
भारतमा ३ हजार ४ सय ३८ जनाको मृत्यु भएको छ।
विश्वभर १८ लाख ९९ हजार ३ सय ५० जना संक्रमित अहिले संक्रमणमुक्त भएका छन्। संक्रमणमुक्त हुनेहरुको संख्या पनि अमेरिकामा नै सर्वाधिक छ। त्यहाँ २ लाख ९४ हजार ३ सय १२ जना संक्रमणमुक्त भएका छन्।
त्यस्तै, जर्मनीमा १ लाख ५६ हजार ९ सय ६६, स्पेनमा १ लाख ५० हजार ३ सय ७६, इटालीमा १ लाख ३२ हजार २ सय ८२, ब्राजिलमा १ लाख १६ हजार ६ सय ८३ जना संक्रमणमुक्त भएका छन्।
भारतमा ४५ हजार ४ सय २२ जना संक्रमणमुक्त भएका छन्।
नेपालमा पनि ४ सय ४४ जनामा कोरोना भाइरस संक्रमण पुष्टि भएको छ। बिहीबार बिहानमात्रै १७ जनामा कोरोना संक्रमण पुष्टि भएको थियो।
संक्रमितमध्ये ४५ जना संक्रमणमुक्त भइसकेका छन्। त्यस्तै, दुई जनाको भने मृत्यु भएको छ।
वल्डोमिटरका अनुसार २ सय १३ देश र क्षेत्र तथा दुई वटा अन्तर्राष्ट्रिय जहाजमा कोरोना भाइरसको संक्रमण देखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
