काठमाडौं- वैदेशिक व्यापार सहजीकरणका लागि खुला रहने भन्सार कार्यालयका कर्मचारीहरुले आफूहरु कोरोना भाइरस संक्रमणको उच्च जोखिममा रहे पनि पर्याप्त सुरक्षा सामग्री नपाएको गुनासको गरेका छन्।
'फ्रन्टलाइन'मा काम गर्नुपरे पनि व्यक्तिगत सुरक्षा सामग्री नपाएकाले कोरोना संक्रमणको जोखिम बढिरहेको उनीहरुले बताएका हुन्। विभिन्न देशबाट आउने मालवस्तु जाँचपासका लागि खटिँदा संक्रमणको जोखिम हुने उनीहरुको भनाइ छ।
कोरोना भाइरस संक्रमणको जोखिम न्यूनीकरणका लागि देशभर लकडाउन घोषणा गरिएको भए पनि वैदेशिक व्यापार खुला छ। त्यसका लागि भन्सारले कर्मचारीहरुलाई खटाएको छ। बन्द रहेका तातोपानी र रसुवागढी भन्सारसमेत अहिले खुलाइएको छ।
अहिले सञ्चालनमा रहेका भन्सारका कर्मचारीको पिसिआर विधिबाट कोरोना परीक्षण पनि नभएकाले उनीहरु थप डराएका हुन्। पिसिआर परीक्षण पनि नभएको र पिपिई पनि पर्याप्त नपाएकाले काममा खटिन समस्या देखिएको उनीहरुको भनाइ छ।
'जहाँ धेरै संक्रमित देखिएका छन् त्यही जिल्लामा हाम्रो कामको बोझ धेरै छ र हामी काममा खटिनु परेको छ,' एक भन्सार अधिकृतले भने, 'यसले हामीलाई त्रास पैदा भएको छ। सरकारले केही व्यवस्था गर्नुपर्छ।'
संक्रमकणको उच्च जोखिम रहेका बाँके, रुपन्देही, पर्सा, झापासहितका जिल्लामा भन्सार खुला छन्।
भन्सार विभाका महानिर्देशक सुमन दाहालले अहिलेसम्म पञ्जा, फेस सिल्ड एन९५ मास्कलगायत प्रयोग नभएको जानकारी दिए। उनका अनुसार कर्मचारीले पिसिआर विधिबाट परीक्षण गर्नुपर्ने माग गरे पनि परीक्षण भने भएको छैन।
कर्मचारीले सामान्य मास्क पाए पनि अहिलेको जोखिमपू्र्ण अवस्थामा फेस सिल्ड मास्क चाहिने बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
