काठमाडौं- स्वास्थ्य तथा जनसंख्या मन्त्रालयले अहिलेसम्म पिसिआरमार्फत गरिएको कोरोना परीक्षणको सूचना नियमित रुपमा जारी गर्दै आएको छ। तर, आरडिटीमार्फत गरिएको परीक्षणको नतिजन भने प्रकाशन गरेको छैन। नतिजा प्रकाशन नगर्नुको पछाडिको एउटै रहस्य हो, आरडिटी परीक्षणमा सरकार आफै विश्वस्त छैन।
तर, आरडिटी परीक्षण भने गर्न छाडेको छैन। सरकार आफैले ओम्नी ग्रुपसँग एक लाख भन्दा बढी आरडिटी परीक्षण किट खरिद गरको थियो। आरडिटी परीक्षणको विरोध भइरहेको बेला पुनः स्वास्थ्य सेवा सेवा विभागले ५ करोड ६५ लाख २५ हजार रुपैयाँ बराबरको आरडिटी टेष्ट किड खरिद गरेको छ। तर, कति वटा भन्नेमा मन्त्रालयले अहिलेसम्म उल्लेख गरेको छैन। साथै मन्त्रालयले आरडिटी टेष्ट किट खरिदका लागि १० वटा कम्पनी समेत सुचिकृत गरिसकेको छ। तर, आरडिटी किटमार्फत भएको कोरोना परीक्षणका रिपोर्ट भने सार्वजनिक गरेको छैन।
स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटा सरकारले आरडिटी किटमार्फत भएको कोरोना परीक्षणको रिपोर्ट सार्वजनिक गर्ने गरी विवरण संकलन गरिरहेको बताउँछन्। तर, कहिलेसम्म आउँछ भनेप्रश्नमा उनी नाजवाफ छन्। बारम्बार आरडिटी किटको परीक्षणलाई लिएर विरोध भएपछि मंगलबार भएको मिडिया ब्रिफिङमा भने काठमाडौं उपत्यकामा भएको आरडिटी टेष्टको केही मात्राममा रिपोर्ट सार्वजनिक गरेका थिए। तर, आरडिटीमा पोजेटिक देखिएपछि पिसिआर परीक्षणमा के रिर्पोट आए भनेर मन्त्रालयले सार्वजनिक गरेको छैन।
मन्त्रालयल स्रोतमा अनुसार ९४ जनाको आरडिटीमा पोजेटिभ देखिए पनि पिसिआरमा नेगेटिभ देखिएको छ भने ४ जनाको नेगेटिभ देखिए पनि पिसिआरमा पोजेटिभ देखिएको छ। यसबाट पनि के पुष्टी हुन्छ भने आरडिटी परीक्षण विश्वस्त हुने अवस्था छैन। यस्तो विश्वास नै गर्न नसक्ने टेष्ट गर्ने अधिकार फेरि सरकारले निजी अस्पताललाई समेत दिएको छ।
मन्त्रालयले अलिलेसम्म ७४ हजार ६ सय ९४ जनाको आरडिटी परीक्षण गरिसेको छ। तर, कति जनामा पोजेटिभ र कति जनामा नेगेटिभ देखिएको छ भनेर मन्त्रालयले विवरण सार्वजनिक गरेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752222253.png)
-1752043710.jpg)
-1749826086.png)
